2 Epilli 15:2 - Mawu a Mulluku

² nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

2 Epilli 15:2 ပူးပေါင်းရင်းမြစ်များ

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

2 Epilli 24:20

Vano munepa wa Mulluku waavollowa mwa Zekariya mwaana a Yehoyada mullupa mukutho. Olliye ahiimella variyari va athu allota wi, “Apwiya enakoha wi, ‘Ethiyo kaambiiwa tini muhiniiwellelleenyu malamulo a mi Apwiya? Khaddiweetellani phaama. Ekaamba yawi mohaahiya Apwiya, alliwattho ahuuhiyani.’ ”

2 Epilli 15:4

koma mvo yaariiwa mu ddookatamiha nave erukunuwa, ewaashaasha Apwiya Mulluku a Israele, yahaaphwanya.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Aheberi 10:38

Vano athwaaka oolungama eneerokhalla ni okumi ekaamba ya echikhulupililwiiwa. Koma yaahokollweellaka mutulli, nginahakallallana.”

2 Epilli 15:15

Nave Ayuda attheene yaahakallalla ni ollupellanngu vawi yaallupella, yaawaashaasha ni murimiiwa muttheene nave Apwiya yaaphwanyeya. Vano yahaavaha murendelle virive veko.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

2 Epilli 20:20

Vano yaavenya ohinase eya yavollowa mu echipululu ya o Tekowa. Yakhumamwiiwa Yehoshafati ahiimella allota wi, “Nyu athu a o Yuda ni a mu Yerusalemu, apelleni maaru! Aroromelleni Apwiya Mullukwaanyu nave muneerokhalla ni masiva. Aroromelleni anamallotella nave muneeropambana.”

2 Epilli 13:12

Vano ngoonani! Mulluku ari ni hiyaano nave allupa mukuthwaaye eri vaava ni mapallapatiiwa, aakhozeka wi ewiipe oniithana wi niwane ekhoto ni nyuwaano. Nyu Aisraele, muhillipane ni Apwiya Mulluku a makhollwaanyu vawi khamupambana.”

2 Epilli 20:15

Olliye aallota wi, “Ngiiwani, nyu Ayuda attheene ni athu a mu Yerusalemu ni nyuttho mwene Yehoshafati, Apwiya enallota ni nyu wi, ‘Muhoove nave muhitathille murima ni waata wa athu vawi ekhotweella khe yaanyu koma ya Mulluku.

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

2 Epilli 32:8

Olliye ari ni mulloko wakhoto wa omwiillini koma oyo ari ni hi tti Apwiya Mullukwaahu wi anikavihere ni oniwanella ekhoto ddahu.”

2 Mamwene 21:14

Sika oohalla a athwaaka kineerewaavenyiha mu ellapo ni waavelleella m'mattani mwa adaniiwa. Nave adaniiwa eneerowiipha ni owaakha ddittheddene.

Mateyu 13:9

Vano Yesu aamallihella ni ollota wi, “Ngiiwani vano mwaarina maaru awiiwana!”

2 Epilli 13:4

Vano Abiya ahiimella va mwaango wa Zemaraimu oyo ori o ellapo yamiyaango ya Efuremu nave aallota wi, “We Yerobowamu ni Aisraele attheene iwani kinalloteeminndda.

Yawuupullulla 2:11

“Ngiiwani vano mwaarina maaru awiiwana ddinallota Munepa Waweella wa mipingo! Athu ayo enaapambane khevoreyiwa ni okhwa waneepiilli.

Yawuupullulla 2:7

“Ngiiwani vano mwaarina maaru awiiwana ddinallota Munepa Waweella wa mipingo! Wa ayo enaapambane kineerowaakhullella wi eche ovenyera omuteekhoni wa okumi oyo ori mu paradizo a Mulluku.”

Yesaya 7:13

Sika Yesaya aallota wi, Ngiiwani vano, nyu edduullu ya Davide! Ethiyo khonuukwakhwaneni waatopiha athu munapaalleenyu omutopiha naari Mullukwaaka?

2 Epilli 20:17

Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

Yawuupullulla 3:22

“Ngiiwani vano mwaarina maaru awiiwana ddinallota Munepa Waweella wa mipingo!”

Yawuupullulla 3:13

“Ngiiwani vano mwaarina maaru awiiwana ddinallota Munepa Waweella wa mipingo!”

Yawuupullulla 3:6

“Ngiiwani vano mwaarina maaru awiiwana ddinallota Munepa Waweella wa mipingo!”

Yawuupullulla 2:29

“Ngiiwani vano mwaarina maaru awiiwana ddinallota Munepa Waweella wa mipingo!”

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Oweeruza 9:7

Yotamu iiwalle ddenndda aawella iimella vaddullu va mwaango wa Gerizimu, akhuwa moowelliha mawu wi, “Ngakaapelleni maaru nyu athu a o Shekemu wi Mullukuttho awaapelleni maaru.

2 Epilli 33:12

Vano aariiye mu ddookatamiha, ahaaveka Apwiya Mullukwaaye wi emweerelle echifundo nave ahiiyeviha wunchichi vamiitthoni va Mulluku a makhollwaaye.

Deuteronomo 31:17

Ddeereya ddennddo, kineerewaashella murima wunchichi, kineerewaahiya nave eneerewoonongeya. Ddoohoosa ddawoopiha ddinchichi ddineerewaamorella. Nave nllapo nenno eneerodduwella wi ddenndda ddohaamorella ekaamba yawi miyaano, Mullukwiiwa, ngirittho ni alliwa.

Yoswa 22:31

Mullupa mukutho Finehasi, mwaana a Eleazara ahaalleella athu a malloko a Rubeni, Gadi ni Manase wi, “Vano noodduwella wi Apwiya eri ni hiyaano vawi khamwaawukilalle ovaanyihana ni Apwiya. Mohaavullusa Aisraele o ollaka wa Apwiya.”

1 Mamwene 18:18

Eliya ahaakhulla wi, “Mi nginamuhoosekevo Israele. Koma nyuwaano ni nibanja na attiitthaanyu sika mukhanlle mwaahoosaka Aisraele attheene kaambiiwa mwaahiya malamulo a Apwiya ni othwara malamulo a Abaala.

2 Epilli 12:5

Vano namallotella Shemaya aawa wa Rehobowamu ni wa oohoollella a o Yuda ayo yatthukumanille o Yerusalemu ekaamba ya Shishaki nave ahaalleella wi, “Apwiya enallota wi, ‘Nyu khemunakipwatha miyaano, vano nameenettho nguupwathani nave kinuuvelleellani m'mattani mwa Shishaki.’ ”

2 Epilli 26:5

Ahiivelleella wa Mulluku m'mallapo a Zekariya oyo amulangiza ddawaatitimiha Apwiya. Vawi aanaallapella Apwiya Mulluku, yaanamudalisa.

2 Epilli 34:3

M'muyakha waneetthanu ni raru wa omwenaaye, ari musombwe ahaamba omullapella Mulluku a Davide nikhollo naye. M'muyakha waneekhumi ni piilli ahaamba ovenyihamo mapuro oollapellamo mafano ni mafano a Asherimu o Yuda ni o Yerusalemu. Aavenyihamottho mafano oosema ni amikoko.

Ezara 8:22

Vawi kaawulliwa muru wi kaaveke amwene wi enivahe mulloko wa akhoto ni athu oowella va akavalo wi eniteteze wa adanaahu va olendwaahu vawi naamulleella mwene wi, “Nnatta naphaama na Mullukwaahu ninnaadalisa attheene enamwaasha olliye nave masiva a ollutuwa waye onnaamorella ayo enamuhiya.”

Masalimo 34:4

Kaavekella wa Apwiya nave yaakaakhulla, yaakivullusa o ddittheddene kaddooveemi.

Masalimo 53:2

Mulluku oddullu aawarama, anaaweha athu vatthimva wi oone aarimi arivo eezeru, oomwaashaasha olliye.

Yesaya 45:19

Ngaallotille mwawiipitthiha vanipuroni noovittheya mu ellapo yeepiphi. Ngaaddilleelle edduullu dda Yakobo wi ddikaashaasheke o ellapo yoohikhalliwa. Mi Apwiya kinallota ddawoona, kinallalleya ddoolungama.”

Numeri 14:42

Muhiyeewo kaambiiwa muneerewiiphiwa vamiitthoni va adanaanyu vawi Apwiya kheri ni nyuwaano.

Numeri 14:43

Wenko muneerokumana ni Aamaleke ni Akanani nave muneerewiiphiwa vakhotoni. Apwiya khekhalla ni nyuwaano kaambiiwa moohiya waathwara.”

Deuteronomo 4:29

Wenko nyuwaano muneerowaashaasha Apwiya Mullukwaanyu nave mwawaashaasha ni murimaanyu muttheene ni okumaanyu muttheene muneerewaaphwanya.

Yoswa 24:20

Mwaahiya Apwiya Mullukwaanyu munarumeyella milluku ddeelleto, eneerewuurukunuwellani ni oweerellani yoonanara nave eneerewuutthollosani naari khalle yaweerelleni ddaphaama.”

Oweeruza 10:13

Koma mookihiya, munarumeyella milluku ddimodda. Ekaamba ya yeella nguuvullusanittho.

1 Samuele 12:14

Mwaawoovaka Apwiya ni owiiwellella mawiiwa, mwaahiwukila malamulwiiwa nave attheenenyu ni mwenaanyu mwaawaathwaraka Apwiya Mullukwaanyu, ddineerekoweetellani phaama.

1 Samuele 12:15

Koma mwaahiiwellellaka mawu a Apwiya, munawukila malamulwiiwa, mudduwelle wi eneerewuullakani nyuwaano ni mwenaanywiine.

1 Mamwene 11:25

Rezoni aakhalla mudani a Israele mallapo mattheene a Solomoni, aanaakatamiha Aisraele monga eerella Hadadi. Nave aalamulella ellapo ya Siriya.

2 Epilli 11:12

Nave aahiyamo ddawiitetezellana ni mavaka m'mizindani ddittheddene nave aaddillipiha. Mmu sika alamulelleeye muzinda wa Yuda ni Benjamini.

2 Epilli 33:11

Sika ekaambiiwa Apwiya yaarumalliiwa oohoollella akhoto a mwene a o Asiriya ayo yamphanre Manase emukola mphunani, emmaka ni onyolo, emuyaana o Babiloni.

Yesaya 51:1

Apwiya enallota wi, “Nyu munapaalla ovulluwa, kaapelleni maaru, nyu munapaalla wi kuukavihereni. Ngaganizerani dda nlluku nko mwasemiweenyuwo, o nddalla namalluku mwakatiweenyuwo.

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Amosi 5:14

Muhiyevo murima vaweerani yaphaama ohiri yoonanara wi mukhalle ni okumi. Mweera ddiiddo, Apwiya Mulluku Amasiva Mattheene, eneerokhalla ni nyuwaano moollikana ni mmo mullotilleenyu.

Zekariya 1:3

Sika alleelle athu wi Apwiya Amasiva Mattheene eni hokollweellani wa miyaano nave kineerohokollweella wa nyuwaano.