2 Epilli 15:15 - Mawu a Mulluku

¹⁵ Nave Ayuda attheene yaahakallalla ni ollupellanngu vawi yaallupella, yaawaashaasha ni murimiiwa muttheene nave Apwiya yaaphwanyeya. Vano yahaavaha murendelle virive veko.

2 Epilli 15:15 ပူးပေါင်းရင်းမြစ်များ

2 Epilli 14:7

Nave aallota wa athu a o Yuda wi, “Hankoni nimake mizinda ddenndda nave niddaapheellihe ni esiri ni nttattha, millako ni mikoko ddoollipa. Ellapweella tti yaahu ekaamba yawi naavekille Apwiya Mullukwaahu. Noheera enapaalliiwa nave yoonivaha murendelle erive embali.” Sika yaamaka ddenndda nave ddaanaweetella phaama.

2 Epilli 15:12

Nave yaheera echipangano wi yaallapelleke Apwiya Mulluku a makhollwiiwa ni murimiiwa muttheene ni okumiiwa muttheene.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Yesaya 26:8

Ninnathwara ettilla ya malamulwaanyu, nyu Apwiya, ninnuutiyerellani. Ninnapaallesesa wi muupuwelliweke ni wi nnddina nanyu nititimihiweke.

Masalimo 119:111

Malamulwaanyu tti yoohallanaaka yoohimalla, ddawoona, enahakallalliha murimaaka.

Masalimo 32:11

Nyu athu oolungama, hakallallani ni othapella mwa Apwiya, nyu athu ooreera murima, khuwani moohakallalla.”

2 Epilli 15:4

koma mvo yaariiwa mu ddookatamiha nave erukunuwa, ewaashaasha Apwiya Mulluku a Israele, yahaaphwanya.

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

Yesaya 45:19

Ngaallotille mwawiipitthiha vanipuroni noovittheya mu ellapo yeepiphi. Ngaaddilleelle edduullu dda Yakobo wi ddikaashaasheke o ellapo yoohikhalliwa. Mi Apwiya kinallota ddawoona, kinallalleya ddoolungama.”

Miyambo 3:17

Ezeru eneeroweeriha okumaawo ohakallalla nave eneerekoweetiha mwamurendelle.

Masalimo 119:106

Koollupella nave koosimikiza wi kiiwellelle malangizwaanyu oolungama.

Yobu 34:29

Mulluku eera tuu, ttaani anaamuhumullulle? Iipitthiha ekhovaaye, ttaani anaamoone? Komave olliye sika annaawehesesa athu apaalle mitundu dda athu

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

2 Epilli 29:36

Hezekiya ni athu attheene yaahakallalla ekaamba yawi nnddo Mulluku aweerelleeye ddaheeta phaama.

2 Epilli 15:6

Athwaayo yaakawaneya, mutundu mmodda waawukilana ni mmodda nave muzinda mmodda ni mmodda vawi Mulluku ahaahoosa moohiyanahiyana.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

Yoswa 23:1

Vano viviralle enthawi yoorekama ovenyera mvo Apwiya yakeraatthihalliiwa murendelle variyari va Aisraele ni adaniiwa oowaapheella, Yoswa ahuulluvalla wunchichi.

Deuteronomo 26:11

Hakallallani vawi Apwiya Mullukwaanyu ahuuvahani ddaphaama, nyuwaano ni a munibanjani nanyu. Alevi ni alleto ehakallalle vamodda ni nyuwaano.

2 Epilli 29:10

Vano kooganiza ddookeraatthiha echipangano ni Apwiya Mulluku a Israele wi osha murima wiwa ovenyevo va hi.

2 Epilli 14:6

Aamaka mizinda ddamipanda mu Yuda vawi ellapweeyo yaari mwamurendelle. Miyakha ddennddo mwiillaponimmo khamwaari ekhoto vawi Apwiya yaamuvaha murendelle.

2 Epilli 15:14

Yaallupella vamiitthoni va Apwiya mookhuwa ni mapallapata nave ni manyaka.

2 Epilli 20:30

Sika mwaakhalla murendelle mu omwene muttheene wa Yehoshafati vawi Mulluku aamuvaha murendelle virive veko.

Masalimo 119:10

Kinnawaashaashani ni murimaaka muttheene, muhaakhullelle wi kihollowe ohiya malamulwaanyu.

Eksodo 24:3

Mose aaya aalleella athu mawu ni malamulo mattheene ayo Apwiya yamulleelliiwa. Nave athwaayo yahaakhulla vamodda wi, “Nineereweera ddittheddene nnddo Apwiya ellotilliiwa.”

Yoswa 24:25

Sika Yoswa aapanganana echipangano ni athu a nllapo nenno nave o Shekemu wenko Yoswa ahaavaha athwaayo malamulo ni malangizo.

2 Mamwene 23:3

Vano mwenooyo ahiimella va opoto woomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe munibukhuninna. Sika athu attheene yahaakhullella othwara echipanganweeyo.

1 Epilli 16:10

Kotellani nnddina niwa naweella, mirima dda oowaashaasha Apwiya ddihakallalle

2 Epilli 11:16

Vano ayo yapaalla waarumeyella Apwiya Mulluku a Israele ni murimiiwa muttheene yahaathwara allupa mukutho ni Alevaalle ovenyera o malloko mattheene a Israele oya o Yerusalemu woovelleella mukutho wa Apwiya Mulluku a makhollwiiwa.

2 Epilli 19:3

Komave ddookhallavo ddimodda ddaphaama mweerilleenyu vawi mwahoononga mafano a Asherimu mwiillaponimmu nave munnamullapella Mulluku ni murimaanyu muttheene.”

2 Epilli 34:31

Vano mwenooyo ahiimella va nipuro naye noomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe mu nibukhunna.