2 Epilli 15:12 - Mawu a Mulluku

¹² Nave yaheera echipangano wi yaallapelleke Apwiya Mulluku a makhollwiiwa ni murimiiwa muttheene ni okumiiwa muttheene.

2 Epilli 15:12 ပူးပေါင်းရင်းမြစ်များ

Mitteko 24:14

Kinaakhullellaami vamiitthoni vanyu tti ella yawi, kinamullapella Mulluku a makhollwaahu moollikana ni ettilla eyo enaromolliiwa wi tti mulloko wawoottha. Kinnakhulupililattho erive ello yalembiwe mu malamulo a Mose ni ehuddiho ya anamallotella.

2 Epilli 23:16

Vano Yehoyada aakeraatthiha echipangano variyari vaye ni athu attheene ni mwene wi ekhalle athu a Apwiya.

2 Epilli 29:10

Vano kooganiza ddookeraatthiha echipangano ni Apwiya Mulluku a Israele wi osha murima wiwa ovenyevo va hi.

Deuteronomo 10:12

“Vano nyu Aisraele, ngiiwani nnddo Apwiya Mullukwaanyu enuulleelliiwani wi muwooveke ni weeta ettilla ddiwa ddittheddene, mwaakondeke nave mwaarumeyelleke ni murimaanyu muttheene ni okumaanyu muttheene.

2 Akorinto 8:5

Ddaari ddookhwaranya nnddo natiyerelleehu! Vawaamba yahiivelleella weekhiiwa wa Apwiya nave vatulli viwa, mu opaalla wa Mulluku, yahiivelleella wa hiyaanottho.

Yeremiya 50:5

Eneerokohera dda ettilla ya o Ziyoni nave eneerowaamba olendo woohokollweella wenko. Nave eneerewiipataaniha wa Apwiya mwa a echipangano ya wa enthawi yoohimalla, yoohitiwalleya.

Nehemiya 10:29

hiyaano attheene nahiiwanana ni abalaahu, oohoollellaahu, nillupella wi nineereweeta mu malamulo a Mulluku ayo yavelleelliwe oweella mwa Mose oorumeyella a Mulluku. Sika nineerewiiwellella malamulo mattheene ayo Apwiya Mullukwaahu yanilamulelliiwa nave nineerosunga malangizwiiwa mattheene. Nave nitembeleliwe naahiiwellella apaalle weera ddenndda.

Nehemiya 9:38

“Ekaamba ya ddittheddenenndda, ninapaalla neere echipangano yoosimikizeya moolemba nave oohoollellaahu, Alevaahu ni allupa mukuthwaahu aadinda echidindo.”

2 Epilli 15:4

koma mvo yaariiwa mu ddookatamiha nave erukunuwa, ewaashaasha Apwiya Mulluku a Israele, yahaaphwanya.

2 Mamwene 23:3

Vano mwenooyo ahiimella va opoto woomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe munibukhuninna. Sika athu attheene yahaakhullella othwara echipanganweeyo.

1 Mamwene 8:48

Athwaayo yaahokollweella wa nyuwaano ni murimiiwa muttheene ni okumiiwa muttheene mu ellapo ya adaniiwa nko yapharelliwiiwawo okaporo, yavekella wa nyuwaano moowehani o ellapwiiwa eyo mwaavahilleenyu makhollwiiwa, o muzinda oyo mwawutthoollilleenyu navettho o enyumba eyo kimakenlleemi nnddina nanyu

Deuteronomo 29:12

Muri mva ollello wi mullupelle ni ekeraatthiha echipangano eyo Apwiya Mullukwaanyu enakeraatthihiiwa ni nyuwaano.

Deuteronomo 29:1

Alla sika mawu a echipangano eyo Apwiya yamulamulalliiwa Mose wi ekeraatthihe ni Aisraele mwiillaponi mwa Mowabu. Mawaalla yoonjereriwe va mawu eechipangano alle Apwiya yakeraatthihalliiwa ni alliwaayo o mwaango wa Horebu.

Deuteronomo 4:29

Wenko nyuwaano muneerowaashaasha Apwiya Mullukwaanyu nave mwawaashaasha ni murimaanyu muttheene ni okumaanyu muttheene muneerewaaphwanya.

2 Mamwene 11:17

Yehoyada aakeraatthiha echipangano variyari va Apwiya ni mwene ni athu wi alliwa ekhalle athu a Apwiya. Aakeraatthihattho echipangano variyari va athu ni mwene.

Deuteronomo 6:5

Nave mwaakondeke Apwiya Mullukwaanyu ni murimaanyu muttheene ni okumaanyu muttheene navettho ni masivaanyu mattheene.

Deuteronomo 29:11

aniinyu, awarinyu ni alleto ayo eri variyari vanyu nave ayo enuutthallellani ekhuni ni wuurikellani maaddi.

Yoswa 24:25

Sika Yoswa aapanganana echipangano ni athu a nllapo nenno nave o Shekemu wenko Yoswa ahaavaha athwaayo malamulo ni malangizo.

2 Epilli 11:16

Vano ayo yapaalla waarumeyella Apwiya Mulluku a Israele ni murimiiwa muttheene yahaathwara allupa mukutho ni Alevaalle ovenyera o malloko mattheene a Israele oya o Yerusalemu woovelleella mukutho wa Apwiya Mulluku a makhollwiiwa.

2 Epilli 19:3

Komave ddookhallavo ddimodda ddaphaama mweerilleenyu vawi mwahoononga mafano a Asherimu mwiillaponimmu nave munnamullapella Mulluku ni murimaanyu muttheene.”