2 Epilli 14:7 - Mawu a Mulluku

⁷ Nave aallota wa athu a o Yuda wi, “Hankoni nimake mizinda ddenndda nave niddaapheellihe ni esiri ni nttattha, millako ni mikoko ddoollipa. Ellapweella tti yaahu ekaamba yawi naavekille Apwiya Mullukwaahu. Noheera enapaalliiwa nave yoonivaha murendelle erive embali.” Sika yaamaka ddenndda nave ddaanaweetella phaama.

2 Epilli 14:7 ပူးပေါင်းရင်းမြစ်များ

1 Petro 3:12

Miittho a Apwiya eri va oolungama, maarwiiwa ennaapella mavekellwiiwa koma ennaananariwella aweera ddoonanara.”

2 Epilli 14:6

Aamaka mizinda ddamipanda mu Yuda vawi ellapweeyo yaari mwamurendelle. Miyakha ddennddo mwiillaponimmo khamwaari ekhoto vawi Apwiya yaamuvaha murendelle.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Yohane 9:4

Ninaphwanella weera mitteko dda yooyo aakirumalle miyaano ori otthaana. Mahiiyu onimawa nave vano khaavo muthu anaawore ophara mutteko.

2 Epilli 32:5

Hezekiya ahaamba ophara mutteko moollipa nave aamakattho esiri eyo yakumuwalle. Vano aamakattho mattattha vaddullu viwa nave otte wiwa aamakattho esiri emodda, aallipihattho mpanda nnddina niwa Milo mu muzinda wa Davide. Aapangattho ezida ddakhoto ni ddawiitetezellana ddinchichi.

2 Epilli 14:4

Nave ahaalamula athu a o Yuda wi yeereke nnddo yapaalla Apwiya Mulluku a makhollwiiwa navettho wi yiiwellelleke malamulo ni malangizwiiwa.

2 Epilli 8:5

Aamakattho Betehoroni A omwaako ni Betehoroni Oohito, mizinda dda mipanda ddookhalla ni esiri, millako ni mikoko ddoollipa.

Yoswa 23:1

Vano viviralle enthawi yoorekama ovenyera mvo Apwiya yakeraatthihalliiwa murendelle variyari va Aisraele ni adaniiwa oowaapheella, Yoswa ahuulluvalla wunchichi.

2 Epilli 15:15

Nave Ayuda attheene yaahakallalla ni ollupellanngu vawi yaallupella, yaawaashaasha ni murimiiwa muttheene nave Apwiya yaaphwanyeya. Vano yahaavaha murendelle virive veko.

2 Epilli 20:30

Sika mwaakhalla murendelle mu omwene muttheene wa Yehoshafati vawi Mulluku aamuvaha murendelle virive veko.

1 Mamwene 15:23

Vano ddittheddene Asa enreeye, opambana waye vakhotoni ni mizinda nnddo addimakilleeye ddoolembiwa mu nibukhu na epilli ya mamwene a mu Yuda. Koma uulluvalleeye aanavoriiwa ereta ya manyallo.

2 Epilli 17:13

nave aakhalla ni enyumba ddoosungellamo ddeko. Aakhalla ni akhoto amasiva ni oollipa murima mu Yerusalemu.

2 Epilli 17:17

O Benjamini, oohoollella yaari Eliyada, akhoto amasiva, oyo aari ni akhoto 200,000 ayo yaari ni miira ni ddawiitetezellana,

2 Epilli 25:5

Vano Amaziya ahaatthukumaniha athu a o Yuda nave ahaahiya moollikana ni mabanjiiwa vatthi va oohoollella a athu anchichi a o Yuda ni o Benjamini wene. Aawiithaniha athu a miyakha 21 oya muhoollo nave aphwanyille wi yaarivo athu 300,000 yatthoolliwe wi ewane ekhoto, oodduwella ophariha mutteko mavaka ni ddawiitetezellana.

2 Epilli 26:13

Vatthi va olamulellwiiwa vaakhalla mulloko wa akhoto 307,500 ayo yawora owana ekhoto mwamasiva voomukaviherani mwene owana ni adaniiwa.