2 Epilli 14:3 - Mawu a Mulluku

³ Vano aavenyihawo makuwa mattheene eelleto ni woononga mapuro oollapellamo mafano nave aakumulla apoto oopatuleya ni winttaka mafano a Asherimu.

2 Epilli 14:3 ပူးပေါင်းရင်းမြစ်များ

Deuteronomo 7:5

Koma munipuroni mwene mwakumulle makuwiiwa, moononge mallukwiiwa oopatuleya, mwapwaramwase mafanwiiwa a Asherimu nave mwawoose mafanwiiwa oosema.

2 Mamwene 23:14

Aakumullattho apoto oopatuleya ni mafano a Asherimu mattheene nave va mapuro viwa aamwaravo makhuva a athu ookhwa.

Eksodo 34:13

Mwakumulle makuwiiwa, moononge mallukwiiwa oopatuleya nave mwakakathe mafanwiiwa a Asherimu.

2 Epilli 15:17

Olliye khaavenyihalle mapuro oollapellamo mafano o Israele komave Asa aari oororomelleyesesa mu enthawi ettheene ya okumaaye.

2 Epilli 34:4

Sika yaakumulla makuwa a Abaala olliye oonaka, yaakumullattho makuwa awoosellavo lubani* ayo yaari vaddullu viwa. Yaapwesa mafano a Asherimu ni amikoko nave yahaasilla ni waatthattusa nthupi nave yaahella nthupinno va mahame a athu yavelleella mikutho wa mafano.

2 Mamwene 23:6

Aavenyiha nifano na Asherimu mu enyumba ya Apwiya, ayaana otte wa Yerusalemu o muhinje wa Kidroni. Aanoosella wenko, anisillasilla ni otathilla ntuura niwa va mahame a athu shisha.

2 Mamwene 18:4

Ahoononga mapuro oollapellamo mafano, ahaakumulla apoto oopatuleya, ahinttaka mafano a Asherimu. Nave aakotholla enowa ya mukuwa elle ayipangille Mose vawi Aisraele ennayoosella lubani* ophiyera ollello. Nnddina niwa naari Nehushitani.

Deuteronomo 7:25

Mwaashellellihe mafanwiiwa mattheene nave muhimusilile siliva apaalle golide oyo yamupangenlliiwa mafanwaayo. Muhiwe muddikusa ddenndda wi muhiphariwe m'musamphani vawi ddinnaananara Apwiya Mullukwaanyu.

Levitiko 26:30

Kineerowoononga mapurwaanyu oollapellellamo mafano omwaangoni ni okumulla makuwaanyu oothuwiheravo lubani* nave kineerovokhella mitembo ddanyu vaddullu va mafano oohikhalla ni okumi nave kineerewuuhiya ni nyuwaano.

2 Epilli 14:2

Nave Asa aheera ddaphaama ni ddoolungama vamiitthoni va Apwiya Mullukwaaye.

2 Epilli 14:4

Nave ahaalamula athu a o Yuda wi yeereke nnddo yapaalla Apwiya Mulluku a makhollwiiwa navettho wi yiiwellelleke malamulo ni malangizwiiwa.

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

2 Epilli 33:16

Aapotokosattho nikuwa na Apwiya nave aavelleellavo mikutho ddeeyaattano ni ddoothokoza. Vano ahaalamula athu a o Yuda wi yaarumeyelleke Apwiya, Mulluku a Israele.