2 Epilli 14:14 - Mawu a Mulluku

¹⁴ Vano yahoononga mizinda ddittheddene ddaaphenlle Gerari vawi woova woovenyera wa Apwiya wahaamorella. Yahaakha mizinda ddittheddene ni katundu muttheene.

2 Epilli 14:14 ပူးပေါင်းရင်းမြစ်များ

2 Epilli 17:10

Vano moomwene mattheene yaanawoova Apwiya nave kheyaawanillettho ekhoto ni Yehoshafati.

Genesis 35:5

Yakobo ni anaaye yatimulliiwa, athu attheene a mizinda ddawaapheella yahoova wunchichi vawi yaalephela waathamakella.

2 Epilli 20:29

Nave moomwene mattheene yaamoova Mulluku yiiwalliiwa wi Apwiya yahaawanella ekhoto wa adaniiwa a o Israele.

Aroma 8:37

Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!

Yesaya 33:23

Mikwe dda ekallawa dda adanaahu ddoottaphuwa wawi khaddiwora ollipiha mulongotiiwa nave embenderiiwa khettaphuruwa. Sika ddawaakha ddahu ddineerewaata wunchichi wawi vookawanani naari oorakalla eneerototavo ello.

Yesaya 31:9

Mweniiwa aneerothawa ekaamba ya woopopihiwa nave oohoollelliiwa akhoto eneeropallalleya mwawoova wunchichi vawi eneerohiya embendela ddiwa ddakhoto. Enallota ddenndda tti Apwiya ayo munllwiiwa ori mu Ziyoni nave eng'anjwiiwa eri mu Yerusalemu.

Masalimo 68:12

“Mamwene a milloko dda akhoto enimathawa, ddawoona enimathawa, vano atthiyana oohalla vaatte ennakawana ddawaakha okhotoni.

Yobu 15:21

Anniiwa mawu awoopiha owaruni waye, vaweesani wi ari vamurendelleni, anamasikita eneeromuhella ekhoto.

2 Epilli 20:25

Vano Yehoshafati ni athwaaye yaphiyalliiwa wi ekuse ddawaakha yaaphwanya eziweto ddinchichi, katundu, ddoowara navettho ddeko ddoowallamella mutengo. Yaakusa ddeko ddinchichi mwawi ddimodda kheyaaworille odditukhulla. Yahaakha ddekonnddo mallapo mararu kaambiiwa ddahaata.

2 Mamwene 7:16

Vano athu a o Samariya yaakhuma yaakha misasa dda Asiriya. Sika makilogaramu mararu a othu waphaama yaanakullihiwa nikobiri nimodda nasiliva nave makilogaramu matthanu ni nimodda a bale yakullihiwattho emoddamoddave moollikana ni mmo yallotelle Apwiya.

1 Samuele 14:15

Vano Afilisti attheene yahaapheella miru ni woova wuullupalli. Akhoto a omisasani wulle ni awoononga yaatthukumella wunchichi. Ellapo yaatikheya nave otikheyanko wahoonjerera woova wa Afilistaalle.

Oweeruza 14:19

Vano Munepa wa Apwiya waamukitthella Samisoni mwamasiva nave Samisonooyo aaya o Ashikeloni awiipha athu 30 a mwiillaponimmo nave aawaakha ddoowara ddiwa dda nllapo na ehakallallo addivelleella wa ayo yattaphullelle mwambaalle. Nave aahokollweella o enyumba yaattiitthinnya ashille murima.

Yoswa 5:1

Mamwene mattheene Aamori ookhalla woovollowa nndduwa wa muhinje wa Yordani ni mamwene Aakanani ookhalla museresere mwa enyanja yiiwalliiwa wi Apwiya yahummiha muhinje wa Yordani Aisraele yallapuwiiwa yahoova nave yaatathilla murima ekaamba ya Aisraelaayo.

Yoswa 2:24

Yaamulleella Yoswa wi, “Hi noosimikiza wi Apwiya aanivaha ellapo ettheene. Athu attheene wenko mirima ddiwa ddinnoova.”

Deuteronomo 2:25

Waambeella ollello kineerekowoopopiha athu a va ellapo yavatthi wi ewoovekeni. Arive muthu iiwa dda nyuwaano aneerotthukumella ni woova ni otathilla murima ekaamba yoowoovani nyuwaano.’ ”

2 Epilli 14:15

Vano yaakumulla makholla mattheene a eziweto yaakha enkhosa, epuri ni ekamira* ddinchichi nave yaahokollweella o Yerusalemu.

1 Mamwene 15:23

Vano ddittheddene Asa enreeye, opambana waye vakhotoni ni mizinda nnddo addimakilleeye ddoolembiwa mu nibukhu na epilli ya mamwene a mu Yuda. Koma uulluvalleeye aanavoriiwa ereta ya manyallo.