2 Epilli 14:11 - Mawu a Mulluku

¹¹ Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

2 Epilli 14:11 ပူးပေါင်းရင်းမြစ်များ

Yeremiya 1:19

Eneerollipana ni weyaano koma oneeropambana vawi kiri ni weyaano nave kineerewuuvullusa.” Mi Apwiya koollota.

Masalimo 22:5

Yaanawinllellani nave mwaanaavullusa, yaanuuroromellani nave khamwaaphariha nthuwa.

Masalimo 20:7

Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

2 Epilli 13:14

Ayuda erukunuwalle, yahoona ekhoto muhoollo ni mutulli mwiwa vano yaakhuwella wa Apwiya nave allupa mukutho yahiipa mapallapatiiwa.

Mitteko 2:21

Vano attheene ayo enaawiithane mu nnddina na Apwiya eneerovullusiwa.’ ”

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

2 Epilli 13:18

Sika Aisraele yaagonjihiwa enthawi yeeyo nave Ayuda yaapambana kaambiiwa yahaaroromella Apwiya Mulluku a makhollwiiwa.

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

Masalimo 120:1

Kaawinllella Apwiya mu ddookatamiha ddaka nave yaakaakhulla.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Masalimo 37:5

Wiivelleelle m'mattani mwa Apwiya, waaroromelle nave eneerewuupwatha.

1 Epilli 5:20

Yaamuroromella Mulluku ni oveka nikavihero wa olliye nave Mulluku ahaakhulla oveka wiwa nave ahaapambaniha wa Ahagiri ni awiiwananiiwa.

2 Epilli 32:8

Olliye ari ni mulloko wakhoto wa omwiillini koma oyo ari ni hi tti Apwiya Mullukwaahu wi anikavihere ni oniwanella ekhoto ddahu.”

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Masalimo 18:6

Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka waaphiya wa olliye.

Masalimo 9:19

Apwiya venyani, muthu ahuuvevulleni, weeruzeni athu a mitundu ddimodda vamiitthoni vanyu.

Eksodo 14:10

Vano Farao aatamelle, Aisraelaalle yaawoona Aiguputwaalle yaathwaraka nave yahoova wunchichi, yaambella winlla mookhuwa wa Apwiya.

Yohane 14:1

Yesu ahaalleella oohudderaaye wi, “Muhikhupanyeke, mukhulupilileni Mulluku, kikhullupililenittho miyaano.

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Yesaya 2:22

Muhimuroromellekettho muthu vawi okumaaye khonallekella omalla. Ethiyo muthu ari ni tini?

Masalimo 34:6

Muthu oohoowoolla ahinlla, Apwiya yaamwiiwa, emuvullusa mu ddookatamiha ddaye ddittheddene.

Oweeruza 7:7

Sika Apwiya yaamulleella Gideoni wi, “Kineerewuuvullusani ni athu 300 yaallave ayo yawiryalle moonyangulla maaddaalle. Vano kineerewaavelleella m'mattani mwawo Amidiyani. Koma amodda attheenaayo eroweke owaniwa.”

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Deuteronomo 32:30

Ethiyo muthu mmodda aagonjihalle mwawiidde athu 1,000, athu eelli yaagonjihalle mwawiidde athu 10,000? Ethiyo khehiyo ekaamba yawi Nlluku niwa ohaareya etulli, ekaamba yawi Apwiya ahaatathilla?

Levitiko 26:8

Athu atthanuve eneerekowiikariha athu 100 nave athu 100 a nyuwaano eneerekowiikariha athu 10,000 nave muneerewaagonjiha ni nsupada adanaanywaayo.

Mitteko 9:4

Ahiikuha nave ahiiwa mawu awi, “Saulo, Saulo! Onakihoosella tini?”

Mitteko 3:16

Nnddina naye ni echikhulupililo mu nnddina naye sika emullipihalle muthu ooheeta olla munamooneenyu nave munamudduwelleenyu. Echikhulupililwaaye mwa Yesu, yoomuchiriha muthoolla attheenenyu moonaka.

Amosi 5:9

Tti alliwattho enawoononga amasiva ni osherima wiwa, enakumulla mipanda ddiwa ddoollipa.

Masalimo 20:5

Sika niipe moohakallalla kaambiiwa moopambana vakhotoni, niwellihe embendela otitimiha nnddina na Mullukwaahu. Apwiya ekwakhwanihe ddittheddene muvekilleenyu.

2 Epilli 32:20

Vano mwene Hezekiya ni namallotella Yesaya mwaana a Amozi yaavekella ekaamba ya yeella nave yaakhuwella oddullu.

2 Epilli 20:12

Nyu Mullukwaahu, ethiyo yaalla khemwaallaka? Vawi hi kheninna masiva awi ttuullipanana athu enaanihelle ekhoto. Kheninna yaweera koma miitthwaahu eri va nyu.”

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

Yesaya 26:13

Apwiya Mullukwaahu naari nalamulelliwaka ni amodda, khaninapwatha nnddina nimodda koma naanyuve.

2 Epilli 18:31

Vano oohoollella akhoto a va magaretaayo yamoonilliiwa Yehoshafati yaallota wi, “Ddawoona, olla sika mwene a o Israele.” Sika yaahokollowa wi ewanena koma Yehoshafati ahaamba winlla mookhuwa Apwiya emukavihera nave Mulluku ahaavenyihawo akhotwaayo.

2 Epilli 13:12

Vano ngoonani! Mulluku ari ni hiyaano nave allupa mukuthwaaye eri vaava ni mapallapatiiwa, aakhozeka wi ewiipe oniithana wi niwane ekhoto ni nyuwaano. Nyu Aisraele, muhillipane ni Apwiya Mulluku a makhollwaanyu vawi khamupambana.”

Deuteronomo 32:27

Koma nginapaalla wi adaniiwa yiitukhulleke, eganizeke moolakwa ni okittheya. Ehooneke wonanko yaagonjihalle ni masiviiwa, wi Apwiya kheyeerille ddenndda.’ ”

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

1 Samuele 17:47

Nave athu attheene etthukumannaalla eneerodduwella wi Apwiya khenavullusa ni nsupada apaalle nivaka. Apwiya sika mwaneena ekhoto nave eneerewuuvelleellani m'mattani mwahu.”

1 Mamwene 8:44

“Athwaanyu yaayaaka okhotoni woowana ni adaniiwa orive weko munaarumiheenyuwo nave yavekella wa nyu Apwiya, ewehaka o muzinda oyo muwutthoonlleenyu navettho o enyumba eyo kimakenlleemi nnddina nanyu.

2 Epilli 14:10

Vano Asa aatimulla wi akumanena nave attheenaayo yaatthattana embali ddittheddene wi ewane ekhoto va ntapo na Zefati o Maresha.

2 Epilli 16:7

Enthawi yeeyo namallotella Hanani aawa wa Asa mwene a o Yuda amulleella wi, “Ekaamba yawi mwaroromelle va mwene a o Siriya, ahaaroromella Apwiya Mullukwaanyu, mulloko wa ekhoto wa mwene a o Siriya wohuuthawellani.

2 Epilli 25:8

Koma mwaaganizaka wi muneerokhalla ni masiva eekhoto, Mulluku aneerewuugonjihani vamiitthoni va adani vawi Mulluku ookhalla ni masiva ookavihera ni oogonjiha.”

Yesaya 10:20

Nllapo nenno oohalla a o Israele, oovulluwa a mu nibanja na Yakobo kheyaaroromellattho athu yawoonongille koma enaahameelle va Apwiya, Aweella a Israele.

2 Epilli 13:15

Vaavo akhoto a Ayuda yaakhuwa moollipiha nave Apwiya yaamugonjiha Yerobowamu ni Aisraele attheene vamiitthoni va Abiya ni Ayuda.

2 Epilli 20:32

Yehoshafati aathwara echisanzo yaphaama ya attiitthinnya, khaahiyalle ddennddo. Aaneera echilungamo vamiitthoni va Apwiya.

2 Epilli 26:7

Mulluku aamukavihera voowanani ni Afilisti, Aarabu ayo yakhalla o Guribaala ni Ameuni.

Masalimo 20:8

Adani eneerotthomowa emore, koma hiyaano nineerovenya niimelle.

Masalimo 22:6

Koma miyaano tti wonanko enyambo, ngihiyo muthu naari vang'ono, oyo athu enamuvevulliiwa ni omukhoota.