2 Epilli 13:9 - Mawu a Mulluku

⁹ Ethiyo nyu khemwaawiikarihalle allupa mukutho a Apwiya, anamwani a Aroni ni Alevi mwiitthoollella allupa mukutho wonanko mmo eneerella athu amodda amwiillaponimmo? Arive muthu anawa wi iivelleelle yeekha ni nankhoro a eng'ombe apaalle anankhoro atthanu ni eelli a enkhosa annakhalla mullupa mukutho a ddeko nnddo ddihiri milluku.

2 Epilli 13:9 ပူးပေါင်းရင်းမြစ်များ

Yeremiya 2:11

Ethiyo vookhalla mutundu wa athu oyo waambilleke waakakhaniha milluku ddiwa? Komave athwaaka aakaakakhaniha mi, Mullukwiiwa antitimiho ni milluku ddoohikhalla ni mutteko.

Eksodo 29:35

“Ddittheddene kuulamulelleeminndda omweerelle Aroni ni anaayeene. Weere mutetho wowaazoza wa mallapo matthanu ni meelli.

Agalatiya 4:8

Khalle khamwamudduwenlle Mulluku, sika mwaari akaporo a ddoophatusiwa ddoohikhalla milluku.

Mitteko 19:26

Vano munnoona ni wiiwa nyookha ddineera Paulo. Olliye anallota wi milluku ddoosemiwa ni athu khe milluku nave ohaakopa athu anchichi mu Efesommu naarittho mu echigawo ettheene ya Asiya.

Hoseya 8:6

Nifanonno khe Mulluku, anipangille tti muthu eeruso a o Israele. Nifano na o Samariyanna nineeronyenyeya.

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

1 Epilli 29:5

ni eziwiya ddoopangiwa ni athu eeruso. Vano variyari va nyuwaano, ttaani anaavelleelle mwa opaalla waye wa Apwiya?”

2 Mamwene 19:18

Yahoosa milluku ddiwa nnddo ddihiri millukulluku koma mafano amiteekho ni amalluku oopangiwa ni athu sika ekaambiiwa yaddoonongilliiwa.

1 Mamwene 13:33

Naari ddaari ddiiddo, mwene Yerobowamu a o Israele khaahiyalle weera ddoonanara koma aavirellella waatthoolla athu shisha monga allupa mukutho mapurwaaye amallapello. Aanamuzoza arive muthu apaalla okhalla mullupa mukutho.

Deuteronomo 32:17

Yaaheraatthella mikutho o minepa ddoonanara, nnddo ddihiri Mulluku, milluku nnddo Aisraele yahiddidduwenlliiwa ovenyera khalle, milluku ddoowa osillesille, nnddo makhollwiiwa yahiddillapenlliiwa naari vang'ono.

Levitiko 16:32

Mullupa mukutho oyo azoziwe ellihiwa wi akhalle mullupa muullupalli munipuroni na attiitthinnya sika anaaweere mutetho woopepesella machimo, awanre ddoowara ddabafuta ddoopatuleya.

Levitiko 8:2

“Omukuse Aroni ni anaaye. Okusettho ddoowara dda allupa mukutho, makhura oozozella, nankhoro a eng'ombe ya mukutho woopepesella machimo, anankhoro a enkhosa eelli navettho mutaanga wa buledi oohikhalla ni yisiti.

Eksodo 32:29

Vano Mose ahaalleella Alevaayo wi, “Ollellova mohiipatula weekhiinyu wi mukhalle allupa mukutho owaarumeyella Apwiya, voowiiphani aniinyu ni asinninyu. Sika Apwiya ahuudalisani ollello.”

Eksodo 29:1

“Voomuzozani Aroni ni anaaye wi ekhalle allupa mukutho, okuse nankhoro a eng'ombe ni anankhoro a enkhosa eelli oohirakalla.

Eksodo 29:29

“Ddoowara ddoopatuleya dda mukutho dda Aroni ddikhalle dda edduullu ddaye olliyooyo akhwa wi edduullunnddo ddiwareke ddaazoziwaka ni waakhella odindwiiwa.

2 Epilli 13:10

“Koma wa hiyaano, Apwiya sika Mullukwaahu nave khanaawaahiyalle. Allupa mukutho ayo enaarumeyella Apwiya tti anamwani a Aroni nave Alevi ennaakaviherattho.

2 Epilli 29:31

Hezekiya aallota wi, “Vawi mooddeelliha wa Apwiya atamellani wuno muweena mikutho ddanyu ni ddoovelleella ddanyu ddoothokoza o enyumba ya Apwiya.”