2 Epilli 13:5 - Mawu a Mulluku

⁵ Ethiyo khemunadduwella wi Apwiya Mulluku a Israele aavelleella omwene wa Israele wa Davide ni anaaye wa enthawi yoohimalla vaweerani echipangano yoohitathiya?

2 Epilli 13:5 ပူးပေါင်းရင်းမြစ်များ

Numeri 18:19

“Ddoovelleella ddoopatuleya ddittheddene nnddo Aisraele enaddivelleelliiwa wa Apwiya kohuuvaha weyaano, anaawo aallopwana ni anaawo aatthiyana ayo eri ni weyaano. Ddennddo ddikhalle ddaawo. Yeella sika echipangano ya wa enthawi yoohimalla variyari va mi Apwiya ni weyaano ni edduullu ddawo.”

Levitiko 2:13

Mukuthwaaye wa othu awuhelleke mwiinyu vawi mwiinyooyo onnooniha echipangano ya variyari va olliye ni Mullukwaaye. Sika ahelleke mwiinyu mikutho ddaye ddittheddene.

1 Mamwene 8:20

Solomoni aallota wi, “Vano Apwiya aakwakhwaniha nnddo yalonjezilliiwa vawi koovollowa omwene wa attiitthaaka Davide nave kiri mwene a Aisraele. Nave koomaka enyumba yoollapellellamo nnddina na Apwiya Mulluku a Aisraele.

Ezekiele 43:24

Oddivelleelle vamiitthoni va Apwiya nave allupa mukutho eddihelle mwiinyu ni oddiheraatthi wi ddikhalle mukutho wooshellelliha wa Apwiya.

1 Epilli 17:14

Koma kineeromukeraatthiha mu enyumbaaka ni mu omwenaaka nave omwenaaye onaakhalle wa enthawi yoohimalla.’ ”

1 Epilli 17:11

Mallapwaawo yakwakhwana wi okhwe, kineeromutthoolla mmodda a anaawo wi akhalle mwene nave kineerokeraatthiha omwenaaye.

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Miyambo 1:29

vawi mwahiita ezeru nave khemwaatthoonlle owoova Apwiya.

Nehemiya 5:9

Vano kaavirellella ollota wi, “Muneereenyunndda khe ddaphaama. Ethiyo nyuwaano khemunaphwanella omoova Mullukwaahu wi adanaahu a mitundu ddimodda ehininyaambuseke?

1 Samuele 16:12

Vano yaamuruma muthu amukusa, awaana. Aari oofiira ni mooneyellwaaye yaari ooreera mookusa murima. Apwiya yaallota wi, “Timulla wamuzoze.”

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

2 Petro 3:5

Enatiwalla phudda ddawi khalle Mulluku mwawi malamula, aaphatusa oddullu ni ellapo yavatthi. Ellapo yavatthi yaaphatusiwa ovenyera omaaddini, mu ettilla ya maaddi,

2 Samuele 10:13

Sika Yowabu ni athu aariiyena yaawaatamella Asiriya wi yaambe owana. Nave Asiriyaayo yaathawa awoonaka.

2 Epilli 6:16

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’