2 Epilli 13:18 - Mawu a Mulluku

¹⁸ Sika Aisraele yaagonjihiwa enthawi yeeyo nave Ayuda yaapambana kaambiiwa yahaaroromella Apwiya Mulluku a makhollwiiwa.

2 Epilli 13:18 ပူးပေါင်းရင်းမြစ်များ

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

1 Epilli 5:20

Yaamuroromella Mulluku ni oveka nikavihero wa olliye nave Mulluku ahaakhulla oveka wiwa nave ahaapambaniha wa Ahagiri ni awiiwananiiwa.

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.

Daniele 3:28

Nebukadinezara aallota wi, “Atitimihiwe Mulluku a Shadrake, Meshaki ni Abedenego oyo amurumme amithengaaye aavullusa oorumeyellaaye oomuroromella olliye. Nave yaakhota mawu a miyaano mwene, evelleella miilli ddiwa wi ddihirumeyelle apaalle ollapella arive mulluku koma Mullukwiiwave.

Masalimo 146:5

Oodalisiwa tti muthu oyo nikavihero naye ninavenyera wa Mulluku a Yakobo, oyo etiyerellwaaye eri va Apwiya Mullukwaaye,

2 Epilli 20:20

Vano yaavenya ohinase eya yavollowa mu echipululu ya o Tekowa. Yakhumamwiiwa Yehoshafati ahiimella allota wi, “Nyu athu a o Yuda ni a mu Yerusalemu, apelleni maaru! Aroromelleni Apwiya Mullukwaanyu nave muneerokhalla ni masiva. Aroromelleni anamallotella nave muneeropambana.”

2 Mamwene 18:5

Hezekiya ahaaroromella Apwiya Mulluku a Israele mwawi khaarivo oophwanaphwanana variyari va mamwene mattheene o Yuda vatulli apaalle vahoollo va olliye.

Aefeso 1:12

Sika eerille ddiidda wi hiyaano naari awaamba otiyerella mwa Khrisitu, nitetheella nave nititimihe ottekweene wa Mulluku!

2 Epilli 13:17

Abiya ni athwaaye yahaagonjiha Aisraelaayo ewiipha akhoto amasiva 500,000.

2 Epilli 13:19

Vano Abiya aamwiikariha Yerobowamu amwaakha mizinda dda Betele ni mizi ddiwa, Yashana ni mizi ddiwa navettho Efuroni ni mizi ddiwa.

2 Epilli 14:10

Vano Asa aatimulla wi akumanena nave attheenaayo yaatthattana embali ddittheddene wi ewane ekhoto va ntapo na Zefati o Maresha.

Masalimo 25:2

Murimaaka muttheene kinahiya va nyu Mullukwaaka, muhinaakhullella wi adanaaka ekiwulliheke muru, muhinaakhullella wi ehakallallelleke ohoosiwa waka.