2 Epilli 13:14 - Mawu a Mulluku

¹⁴ Ayuda erukunuwalle, yahoona ekhoto muhoollo ni mutulli mwiwa vano yaakhuwella wa Apwiya nave allupa mukutho yahiipa mapallapatiiwa.

2 Epilli 13:14 ပူးပေါင်းရင်းမြစ်များ

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

Eksodo 14:10

Vano Farao aatamelle, Aisraelaalle yaawoona Aiguputwaalle yaathwaraka nave yahoova wunchichi, yaambella winlla mookhuwa wa Apwiya.

Masalimo 91:5

Khawoovaka ddawoopiha dda mahiiyu ni mipaamba dda otthaana,

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Yoswa 8:20

Athu a o Ai erukunuwalle oweha mutulli yahoona mwiisi oyaaka muddullu. Khayaarina woothawella kaambiiwa Aisraele alle yathawella ohakani yaahokollowa enawiipha athu a o Ai.

2 Epilli 18:31

Vano oohoollella akhoto a va magaretaayo yamoonilliiwa Yehoshafati yaallota wi, “Ddawoona, olla sika mwene a o Israele.” Sika yaahokollowa wi ewanena koma Yehoshafati ahaamba winlla mookhuwa Apwiya emukavihera nave Mulluku ahaavenyihawo akhotwaayo.

Yoswa 6:16

Waapheella wa otthanu ni opiilli omanlle, allupa mukuthwaalle yiipalle mapallapata, Yoswa ahaalleella athu wi, “Khuwani! Apwiya ahuuvahani muzindoolla.

Numeri 10:9

Mwaayaaka woowana ekhoto mwiillaponi mwanyu ni adanaanyu ayo enuuhoosani, enthawi yeeyo mwiipe mapallapata wi Apwiya Mullukwaanyu kiwuupuwellekeni nave muneerovullusiwa wa adanaanyu.

1 Epilli 5:20

Yaamuroromella Mulluku ni oveka nikavihero wa olliye nave Mulluku ahaakhulla oveka wiwa nave ahaapambaniha wa Ahagiri ni awiiwananiiwa.

2 Epilli 32:20

Vano mwene Hezekiya ni namallotella Yesaya mwaana a Amozi yaavekella ekaamba ya yeella nave yaakhuwella oddullu.