2 Epilli 13:11 - Mawu a Mulluku

¹¹ Ennavelleella wa Apwiya mikutho ddooshellelliha orive ohinase ni orive misikuwa. Ennoosa lubani* na nthuko naphaama nave ennamuhiyattho buledi oovelleella va tebulo a golide aphaama navettho ennapwatha yoohiyavo enyali yagolide wi enyali ddiwa ddikhareke orive misikuwa vawi ninniiwellella nnddo enanilamula Apwiya Mullukwaahu koma nyu mohaahiya.

2 Epilli 13:11 ပူးပေါင်းရင်းမြစ်များ

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

Eksodo 29:38

“Enthawi ddittheddene nllapo ni nllapo, ovelleelleke asaanaankhosa eelli a muyakha mmodda va nikuwa.

Luka 1:9

Moollikana ni makhallello a allupa mukutho, olliyooyo aatthoolliwa mwawoombesa wi oose mukutho wa lubani* mu enyumba ya Apwiya.

Ezekiele 48:11

Yeella ekhalle echigawo ya allupa mukutho oopatuleya, anamwani a Zadoki ayo yiiwellelle malamulwaaka voohaathwarani Aisraele mvo yahollowiiwa wonanko mmo yeerella Alevi.

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.

Ezekiele 44:8

Munipuroni mwawi nyuwaano mupwatheke ddeko ddaka ddoopatuleya, mwaatthoollille alletwaalla wi ewehereke.’

Numeri 16:46

Mose aamulleella Aroni wi, “Kusa yoothuwihellaawo mwiisi ya lubani, ohellemo mankhalla amunllo wa vanikuwani nave ohellemo lubani. Oyeena mwawaakuva nko ori athu nave oweerelle mutetho woopepesella machimwiiwa. Apwiya aasha murima nave mullilli wohaamba khalle.”

Numeri 16:6

Vano weyaano Kora ni mullokwaawo muttheene mukuse ddoothuwihella mwiisi wa lubani.*

Numeri 9:19

Naari murapooyo wakhuneella musasooyo enthawi yoorekama vaddullu va musasooyo, Aisraele yaanasungave lamulo na Apwiya nave kheyaatimullavo.

Genesis 26:5

Kineerewuudalisa kaambiiwa Abrahamu aakiiwellella nave aasunga mawaaka, malamulwaaka, echiweruzwaaka ni malangizwaaka.”

2 Epilli 13:10

“Koma wa hiyaano, Apwiya sika Mullukwaahu nave khanaawaahiyalle. Allupa mukutho ayo enaarumeyella Apwiya tti anamwani a Aroni nave Alevi ennaakaviherattho.

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

2 Epilli 2:3

Vano Solomoni aarumiha mawu wa Huramu mwene a o Tiro wi, “Mukeerelle wonanko mmo mweerelleenyu ni attiitthaaka Davide vawaarumihellani miteekho ddamukunguza wi emakelle enyumbiiwa wi ekhallekemo.

2 Epilli 4:20

ddoohiyavo enyali ni enyali ddiwa ddagolide aphaama wi ddikhareke muwariwari mwa nipuro naweellesesa moollikana ni mmo mwalembelliwiiwa,