2 Epilli 12:2 - Mawu a Mulluku

² Muyakha waneetthanu wa omwene wa Rehobowamu, mwene Shishaki a o Iguputo awa wi amuhelle ekhoto Yerusalemu ekaamba yawi kheyaaroromelleya vamiitthoni va Apwiya.

2 Epilli 12:2 ပူးပေါင်းရင်းမြစ်များ

1 Mamwene 11:40

Vano mwene Solomoni apaalla omwiipha Yerobowamu koma aathawella wa Shishake a o Iguputo. Aakhalla wenko ophiyera okhwa wa Solomoni.

Maliro 5:15

Ehakallallo yoopallalleya m'murimani mwahu, wiina wahu wootthattuwa winlla.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

2 Mamwene 7:6

Apwiya yaaweeriha Asiriya wiiwa onyakulla wa magareta ni akavalo navettho mukhito wa mulloko wa akhoto variyari va akhoto a Asiriya. Sika yahaamba olleellana wi, “Ngiiwani onyakullanko, mwene a o Israele ohaalemba mamwene a Ahiti ni a Aiguputo wi enihelle ekhoto!”

2 Epilli 14:9

Vano Zera Mukushi aawa wi awane ekhoto ni alliwa ari ni akhoto 1,000,000 ni magareta 300 nave yaaphiya o Maresha.

Yesaya 18:2

Ovenyera o ellapweeyo enaaruma amithenga va muhinje wa Nailo ewenlle ekallawa ddamabungwa. Vano muyeewo nyu amithenga awaakuva wa mutundu wa athu oorekama ni awoollowa mwiilli nave awooviwa ni athu avakhuviru ni awoorekama, mutundu wamasiva ni woogonjiha mitundu ddimodda, athu ayo ellapwiiwa tti yookawaneya ni mihinje.

2 Epilli 14:8

Mwene Asa aakhalla ni akhoto 300,000 ovenyera o Yuda ookhalla ni ddawiitetezellana ni mavaka nave athu 280,000 oovenyera o Benjamini ayo yaari ni ddawiitetezellana ni miira. Attheenaalla yaari akhoto amasiva.

2 Epilli 24:18

Vano yaahiya enyumba ya Apwiya, Mulluku a makhollwiiwa enarumeyella mafano a Asherimu. Sika osha murima wa Apwiya waaphiya va athu a o Yuda ni Yerusalemu ekaamba ya ochimwa wiwa.