2 Epilli 12:14 - Mawu a Mulluku

¹⁴ Nave aheera yoonanara vawi murimaaye khewaapaalla owaashaasha Apwiya.

2 Epilli 12:14 ပူးပေါင်းရင်းမြစ်များ

2 Epilli 19:3

Komave ddookhallavo ddimodda ddaphaama mweerilleenyu vawi mwahoononga mafano a Asherimu mwiillaponimmu nave munnamullapella Mulluku ni murimaanyu muttheene.”

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Yesaya 45:19

Ngaallotille mwawiipitthiha vanipuroni noovittheya mu ellapo yeepiphi. Ngaaddilleelle edduullu dda Yakobo wi ddikaashaasheke o ellapo yoohikhalliwa. Mi Apwiya kinallota ddawoona, kinallalleya ddoolungama.”

Masalimo 78:37

Murimiiwa khewaari woororomelleya wa olliye, kheyaasungalle echipanganwaaye.

2 Epilli 30:19

oyo ni murimaaye muttheene, anamwaasha Mulluku, Apwiya Mulluku a makhollwaaye naari ahithwanre malamulo a weellihiwa woophwanella enyumba ya Apwiya.”

2 Epilli 11:16

Vano ayo yapaalla waarumeyella Apwiya Mulluku a Israele ni murimiiwa muttheene yahaathwara allupa mukutho ni Alevaalle ovenyera o malloko mattheene a Israele oya o Yerusalemu woovelleella mukutho wa Apwiya Mulluku a makhollwiiwa.

Mateyu 7:7

“Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.

Masalimo 57:7

Nyu Mulluku, murimaaka wookeraattheya, murimaaka wookeraattheyesesa. Kineerewiipa nchipo, nchipo nene nawuutitimihani.

1 Epilli 29:18

Nyu Apwiya Mulluku a Abrahamu, Isaki ni Yakobo makhollwaahu, keraatthihani wa enthawi yoohimalla maganizo ni makhallello yaalla m'murimani mwa athwaanyu nave ekhalle ni murima woororomelleya wa nyuwaano.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”

Deuteronomo 5:29

Kinapaalla wi eganizeke ddennddo mallapo mattheene wi ekooveke enthawi ddittheddene nave wi yiiwellelleke malamulwaaka wi ddeko ddiweetelleke phaama alliwa ni edduullu ddiwa wa enthawi yoohimalla!

1 Mamwene 14:22

Vano athu a o Yuda yaheera ddoonanara vamiitthoni va Apwiya okhwaranya mmo makhollwiiwa yachimwelliiwa, emushiha murima Mulluku.