2 Epilli 1:2 - Mawu a Mulluku

² Solomoni aallota ni Aisraele attheene, oohoollella akhoto, aweeruza, oohoollella Aisraele attheene navettho oohoollella a mabanja.

2 Epilli 1:2 ပူးပေါင်းရင်းမြစ်များ

1 Epilli 28:1

Davide ahaalamula attekweene attheene a Israele wi etthukumane mu Yerusalemu monga oohoollella attheene a malloko, a mitteko dda omwene, a milloko ayo yamurumeyella mwene, a akhoto anchichi, alonda a eyuuma ettheene ni eng'ombe dda mwene ni aniiwa, enduna dda o enyumba yoomwene navettho athu amasiva ni akhoto attheene oollipa murima.

1 Epilli 27:1

Nna sika ntthopoollo na oohoollella a mabanja a Aisraele owaalamulella akhoto anchichi ni enduna ddiwa nnddo ddamurumeyella mwene mu ddittheddene dda okawa wa mitteko nko wakhallavo mweeri ni mweeri muyakha muttheene. Orive mulloko wakhalla ni athu 24,000.

2 Epilli 30:2

Mwene, enduna ddaye ni athu attheene a va mutthukumano o Yerusalemu yahiiwanana wi eneereweera Paska mweeri waneepiilli.

2 Epilli 29:20

Vatulli viwa mwene Hezekiya aatimulla ohinase nave ahaatthukumaniha attekweene a m'muzindani nave yaaya o enyumba ya Apwiya.

1 Epilli 29:1

Mwene Davide aallota wa mutthukumano muttheene wi, “Mwanaka Solomoni oyo Mulluku amutthoonlleeye tti mung'onong'ono nave khanadduwella ddinchichi. Vano muttekoolla tti muullupalli vawi enyumbeella khekhalla ya muthu koma ya Apwiya Mulluku.

1 Epilli 24:31

Oohoollella a mabanja yaalla, ang'onong'ono ni uullupalli yahoombesattho wi edduwelle mitteko ddiwa wonanko mmo yeerille abaliiwa, anamwani a Aroni. Yaheera ddenndda vamiitthoni va mwene Davide, Zadoki, Ahimeleki ni oohoollella a mabanja a allupa mukutho ni a Alevi.

1 Epilli 24:4

Variyari va edduullu dda Eleazara vaaphwanyeya oohoollella anchichi okhwaranya edduullu dda Itamara sika Davide ahaatthoolla oohoollella 16 variyari va edduullu dda Eleazara navettho atthanu ni araru variyari va edduullu dda Itamara.

1 Epilli 15:12

Nave ahaalleella wi, “Nyu tti oohoollella a mabanja a makhollo a Alevi. Muddeellihe weekhiinyu ni abalaanyu wi mwakuse nibokosi na echipangano na Apwiya Mulluku a Aisraele nave mwanihiye o nipuro nno kakhozilleemi.

1 Epilli 15:3

Nave ahaatthukumaniha Aisraele attheene a o Yerusalemu wi yakuse nibokosi na echipangano na Mulluku, eweena o nipuro niwa nko anikhozelleeye.

1 Epilli 13:1

Vano mwene Davide aaveka ezeru ovenyera wa oohoollella akhoto uullupalli ni ang'onong'onweene.

2 Epilli 1:3

Nave Solomoni ni athu attheene yatthukumana o nipuro namallapello o Gibiyoni. Musasa wamutthukumano wa Mulluku oyo Mose oorumeyella a Apwiya amakilleeye muchipululuni waari vaavo.

1 Mamwene 3:4

Nave mwene aaya o Gibiyoni wi avelleelle mikutho vawi wenko sika waari nipuro namallapello nuullupalli. Solomoni aavelleella mikutho ddooshellelliha 1,000 vanikuwani.