2 Epilli 1:14 - Mawu a Mulluku

¹⁴ Vano Solomoni aatthukumaniha magareta ni athu aweetiha akavalo akhoto nave aaddihiya mu muzinda. Magaretaayo yaarivo 1,400 nave athu aaweetiha akavalo akhoto yaarivo 1,200. Ahaahiya amodda o mizinda nko wakhalla akhoto ni amoddattho vakhuviru ni mwene a o Yerusalemu.

2 Epilli 1:14 ပူးပေါင်းရင်းမြစ်များ

1 Mamwene 4:26

Solomoni aakhalla ni makholla 40,000 a akavalo oopurulla magaretaaye ni athu 12,000 oowella va akavalwaayo.

2 Epilli 9:25

Solomoni aakhalla ni makholla 4,000 oosungellamo akavalo ni magaretaaye navettho aakhalla ni athu aweetiha akavalo 12,000. Ahaahiya amodda o mizinda nko wakhalla akhoto ni amoddattho vakhuviru ni mwene a o Yerusalemu.

1 Mamwene 9:19

mizinda ddittheddene ddoosungellamo eyuumaaye ni magaretaaye, mizinda dda athu aweetiha magareta ni ddeko ddittheddene apanlleeye wi amake mu Yerusalemu ni mu Lebanoni navettho orive weko mu omwenaaye.

1 Mamwene 10:16

Mwene Solomoni aapanga ddawiitetezella vakhotoni dduullupalli 200 ddagolide oohana. Erive yawiitetezella yapangiwa ni golide oollemella makilogaramu matthanu ni nimodda.

Deuteronomo 17:16

Mwenooyo ahiddoonjerere akavalo nave ahaarumiheke athu a o Iguputo wi yaakulle akavalo vawi Apwiya yahuulleellani wi muhiwe muhokollweellawo.

1 Mamwene 5:6

Sika vano mwaalamule athwaanyu wi ekuuhelle miteekho ddamukunguza dda o Lebanoni. Allupa muttekwaaka eneerophara mutteko vamodda ni aanyu. Kineerewuullivellani moollikana ni mmo munaallotelleenyu ekaamba ya allupa muttekwaanyu vawi variyari vahu khaavo anadduwella wuuha miteekho wonanko athu a o Sidoni.”

2 Epilli 8:6

Nave aamakattho Baalati ni mizinda ddittheddene ddoosungellamo eyuumaaye ni magaretaaye, mizinda dda athu aweetiha magareta ni ddeko ddittheddene apanlleeye wi amake mu Yerusalemu ni mu Lebanoni navettho orive weko mu omwenaaye.