2 Epilli 1:12 - Mawu a Mulluku

¹² Ezeru ni odduwella kineerewuuvaha. Kineerewuuvahattho eyuuma, katundu ni olemu omukhwaranya arive mwene we ohinakhallewo apaalle muhoollo mwawo.”

2 Epilli 1:12 ပူးပေါင်းရင်းမြစ်များ

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

2 Epilli 9:22

Sika Solomoni ahaakhwaranya mamwene mattheene a va ellapo yavatthi vookhallani ni eyuuma ni ezeru.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Aefeso 3:20

Vano wa oyo anaphara mutteko mwa hiyaano mwa masivaaye, oyo anawora weera wunchichi ohiyana ni ninavekeehu apaalle ninaganizeehu,

1 Epilli 29:25

Nave Apwiya yaamuvaha Solomoni olemu muullupalli variyari va Aisraele attheene. Yaamuvaha omwene oyo ohinavahiweke ovenyera khalle wa mwene mmodda mu Israele.

Oollalleya 2:9

Kaatthattuwa muthu oovuwa waakhwaranya attheene yalamulelle o Yerusalemu khalle. Ezeru ddaka ddaari ddirivove.

1 Epilli 29:12

Eyuuma ni olemu ddinavenyera wa nyuwaano. Munnalamulella ddittheddene ni masiva ni ekophollo nave munnamweeriha arive muthu okhalla muullupalli ni amasiva.

Nehemiya 13:26

Ethiyo khamunuupuwella wi Solomoni mwene a o Israele aachimwa ekaamba ya atthiyana wonanko yaalla? Variyari va mitundu ddinchichi dda va ellapo yavatthi khaarivo mwene wonanko olliye nave Mulluku aanamukonda amutthoolla wi akhalle mwene a Aisraele attheene koma atthiyana eelleto yaamuchimwiha.

Oollalleya 5:19

Mwaamodda Mulluku amuvaha muthu eyuuma ni ddaphaama ddimodda amuvahattho masiva oohakallallella ddenndda. Muthooyo addaakhelle nave ahakallallena mitteko ddaye ddittheddene. Yeella tti emphaso yoovenyera wa Mulluku.

1 Mamwene 10:24

Athu attheene a mu ellapo yavatthi yaanapaalla omoona Solomoni wi yiiwe ezeru ddaye, nnddo Mulluku aamuvahilleeye.