2 Epilli 1:11 - Mawu a Mulluku

¹¹ Mulluku aamwaakhulla Solomoni wi, “Ella sika yaari m'murimani mwawo nave khovekille katundu, eyuuma, olemu apaalle wi adanaawo ekhwe naari oveka wi okhalle ni okumi woorekama koma ovekille ezeru ni odduwella wi waalamulelleke athwaaka ayo kuuvahilleemini.

2 Epilli 1:11 ပူးပေါင်းရင်းမြစ်များ

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Miyambo 23:7

Vawi anakhalla wonanko muthu anawiithanella yoochaaye wi, “Waawo oche ni owirya,” koma eeraka ni murima mmodda.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Yakobo 3:13

Ttaani a nyuwaano ari ni ezeru ni wiiwesesa? Oonihe ddenndda ni makhallellwaaye aphaama nave mitteko ddaye mu ezeru ddoomaalleya.

1 Mamwene 3:28

Nave Aisraele attheene yiiwalliiwa dda echiweruzo ya mullatoolla, yaamuriiha mwene Solomoni kaambiiwa yaadduwella wi aakhalla ni ezeru dda Mulluku ddaweeruzella millatu mweechilungamo.

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Mitteko 5:4

Ohinakullihe emateeyo yaari yaawo nave oyikullihalle makobiraayo yaari aawo. Kaambiiwa tini, waganizalleewe weera ello yeella? Khowoottotthille athu koma omoottotthille Mulluku!”

Miyambo 14:8

Ezeru dda muthu oochenjera ddikonne voodduwellani phaama ettilla ddaye koma ookarangeya annallekiwa ni okarangeya waye.

1 Epilli 28:2

Vano mwene Davide ahiimella allota wi, “Nyu asinnaka ni athwaaka, kaapelleni maaru. Kaakhalla ni maganizo m'murimani mwaka awi kimake enyumba yoohiyamo nibokosi na echipangano na Apwiya nno ninaakhalle wonanko nipuro noonyingallavo Apwiya Mullukwaahu. Nave kaakhozekella khalle ddoomaka enyumbeeyo.”

1 Mamwene 8:18

Koma Apwiya yahaalleella attiitthaaka Davide wi, ‘Waaganiza phaama voomakellani enyumba nnddina naka.

2 Epilli 1:12

Ezeru ni odduwella kineerewuuvaha. Kineerewuuvahattho eyuuma, katundu ni olemu omukhwaranya arive mwene we ohinakhallewo apaalle muhoollo mwawo.”

1 Mamwene 10:24

Athu attheene a mu ellapo yavatthi yaanapaalla omoona Solomoni wi yiiwe ezeru ddaye, nnddo Mulluku aamuvahilleeye.

Miyambo 8:15

Kinneeriha mamwene olamulella phaama, enduna weeruza moolungama.