2 Epilli 1:1 - Mawu a Mulluku

¹ Solomoni mwaana a Davide aakeraatthiha omwenaaye nave Apwiya Mullukwaaye aari ni olliye nave aamunnuwiha wunchichi.

2 Epilli 1:1 ပူးပေါင်းရင်းမြစ်များ

1 Epilli 29:25

Nave Apwiya yaamuvaha Solomoni olemu muullupalli variyari va Aisraele attheene. Yaamuvaha omwene oyo ohinavahiweke ovenyera khalle wa mwene mmodda mu Israele.

1 Mamwene 2:12

Sika Solomoni aakeraatthi va mpando wa omwene wa Davide attiitthinnya nave omwenaaye waakeraatthihiwa moollipa.

Genesis 39:2

Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle.

Genesis 21:22

Va enthawi yeeyo mwene Abimeleki ni Fikolo, muttekweene a akhotwaaye yaallota ni Abrahamu wi, “Mulluku ari ni weyaano mu ddeko ddittheddene oneereewe.

1 Epilli 17:8

Nave kaari ni weyaano orive weko wayeewewo nave kahaagonjiha adanaawo attheene weyaano woonaka. Vano kineerewuuvuwiha wonanko athu oovuwesesa va ellapo yavatthi.

1 Mamwene 2:46

Vano mwene aamulamula Benaya mwaana a Yehoyada nave aaya amwiipha Shimei. Sika omwene waakeraattheya m'mattani mwa Solomoni.

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

1 Epilli 29:30

Mwemmo mwaalembiwa dda olamulellwaaye, dda masivaaye ni ddittheddene ddamweereyelle olliye ni Israele owaaka moomwene mattheene a ellapo ddimodda ddawaapheella.

2 Epilli 32:23

Sika athu anchichi yaawaana emphaso wa Apwiya o Yerusalemu ni ddeko ddoowallamella mutengo wa Hezekiya mwene a o Yuda. Sika aariihiwa wunchichi vamiitthoni va athu attheene ovenyera nllapo nenno.

Genesis 39:3

Nave apwinnyaayo yahoona wi Apwiya yaari ni Yosefe nave wi mitteko ddaye ddittheddene ddaanamweetella phaama.

Yoswa 3:7

Apwiya yaamulleella Yoswa wi, “Ddittheddene kinaaweereemi ollellonndda sika ddinaaweerihe Aisraele attheene okhalla ni murima wawuuvaha olemu wi weyaano ori muthu muullupalli. Nave eneerodduwella wi miyaano kiri ni weyaano wonanko mmo kakhallelleemi ni Mose.

1 Epilli 22:11

Davide aavirellella ollota wi, “Vano mwanaka, Apwiya Mullukwaawo akhalle ni weyaano wi okwakhwanihe omaka enyumbiiwa moollikana ni mmo yallotelliiwa.

1 Epilli 22:16

dda golide, siliva, mukuwa ni mukoko. Venya nave waambe ophara mutteko! Apwiya ekhalle ni weyaano.”

1 Epilli 29:23

Sika Solomoni aakeraatthi va mpando wa Apwiya monga mwene munipuroni mwa Davide attiitthinnya. Ddaanamweetella phaama nave Aisraele attheene yaanamwiiwellella.