2 Akorinto 9:8 - Mawu a Mulluku

⁸ Nave Mulluku annawora wuuvahani madaliso manchichi nave muneerokhalla ni ddittheddene munapaalleenyu enthawi ddittheddene naari ddookhwaranya wi mwakavihere va orive mutteko waphaama.

2 Akorinto 9:8 ပူးပေါင်းရင်းမြစ်များ

Aefeso 3:20

Vano wa oyo anaphara mutteko mwa hiyaano mwa masivaaye, oyo anawora weera wunchichi ohiyana ni ninavekeehu apaalle ninaganizeehu,

Miyambo 10:22

Madaliso a Apwiya ennavaha eyuuma, khenoonjereravo ethakaraka.

Malaki 3:10

Muweena o enyumbaaka yoosungellamo ddaneekhumi ddampuphullu wi okhalle ddoocha ddinchichi. Mukeese nave muneerewoona kuuhullellakani mawindo a oddullu ni owiithellellani madaliso manchichi. Mi Apwiya Amasiva Mattheene koollota.

Hagai 2:8

Siliva muttheene tti aaka, golide muttheene tti aaka.

Miyambo 28:27

Owaavaha oohoowa khawa arama ello koma oyo ookhuneella miitthwaaye aneerotembeleliwa wunchichi.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Miyambo 3:9

Waatitimiheke Apwiya ni eyuumaawo ettheene ni ddoohata ddawo ddawaamba.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.

2 Akorinto 8:7

Mookhalla ni ddittheddene ddawaata, mu echikhulupililo, mu ddoollota, moodduwella ddeko, mu ntthitti nanyu nittheene ni mu echikondaanyu va hiyaano. Sika vano moonesese wi mookhalla ni ddawaata m'muttekoni waphaamoolla.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

2 Akorinto 9:11

Aneerewuulemelihani mu ddeko ddittheddene wi enthawi ddittheddene muvelleelleke mwawoollowa matta. Vano athu anchichi eneeromuthokoza Mulluku ekaamba ya emphaso ddanyu enaakhelliiwa oyeella mwa hiyaano.

2 Akorinto 8:2

Yaheesiwa wunchichi ni ddoohoosa yoonilliiwa koma ohakallalla wiwa waari wuullupalli. Nave yaavelleella mwawoollowa matta naari eri oohoowa wunchichi.

Miyambo 11:24

Ookhallavo ookawa mwawoollowa matta nave annavirellellave otukhuwa. Ookhallavo awiimana nnddo ariiyena nave annavirellellave ohoowa.

2 Epilli 25:9

Amaziya aamukoha muthu a Mulluku wi, “Koma vano nineerena tini makobiri 100 a siliva ayo kaavahilleemi akhoto a Israele?” Olliye ahaakhulla wi, “Apwiya ennawora wuuvahani ddinchichi okhwaranya ddenndda.”

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

1 Petro 4:10

Arive muthu moollikana ni mmo ariiye kapitawo a emphaso dda Mulluku, amurumeyelleke mukhwaaye ni emphaso eyo aavahiweeye ni Mulluku.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

2 Akorinto 8:19

Nave waanjerera vaavo, ootthoolliwa ni mipingo wi anithware voototellani ddoovelleella ddanyu ekaamba ya ntitimiho na Apwiya navettho wi noonihe wi ninnasimikiza okavihera.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Mitteko 9:36

Vano mu Yopa mwaakhalla oohuddera aamutthiyana mmodda nnddina naye Tabita. (Mu Egriki nnddina naye ninattaphullella Dorika.) Aaneera mitteko ddinchichi ddaphaama anaakavihera oohoowa

2 Atesalonika 2:17

Nave uullipiheni murima ni wuuvahani masiva wi mweereke ni ollota ddaphaama enthawi ddittheddene.

2 Timoteo 3:17

wi muthu oomurumeyella Mulluku akhalle oophwanellella ni ookhozeka weera mitteko ddittheddene ddaphaama.

2 Akorinto 13:3

Ella tti echizindikiro munapaalleenyu wi Khrisitu anallota oweella mwa miyaano. Olliye khe oofooka vaweerani ni nyuwaano koma annooniha masiva variyari vanyu.

Afilipi 4:11

Nave nginallota yeella kaambiiwa kinnapaalla ello vawi Koohuddera okwakhwanihiwa ni eyo kiriimina.

2 Timoteo 2:21

Mmodda addeelliha yeekhaaye voohiyani ddeko ddoonanara ddittheddene eneerokhalla wonanko yookusella yoolemu, yaweellihiwa ni yoopharihiwa mutteko ni mwaneena a enyumbeeyo, yookhozekella mitteko ddaphaama ddittheddene.