2 Akorinto 9:7 - Mawu a Mulluku

⁷ Vano munaphwanella muvelleelleke eyo muganizalleenyu m'murimani mwanyu, moohikhupanya apaalle moowatiheriwa vawi Mulluku anakonda oyo anavelleella moohakallalla.

2 Akorinto 9:7 ပူးပေါင်းရင်းမြစ်များ

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

Eksodo 25:2

“Alleelle Aisraele evelleelle ddoovelleella ddiwa wa miyaano. Nave weyaano waakhelle ddoovelleella ovenyera wa arive muthu nnddo anapaalleeye ovelleella ni murimaaye muttheene.

Miyambo 11:25

Murima woovaha oneerotukhuwa, oohellella nayeene aneerohellelliwa.

Miyambo 22:9

Oyo ari ni niittho neechifundo aneerodalisiwa vawi annaakawella yoochaaye oohoowa.

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

1 Petro 4:9

Mwaakhellaneke mu enyumba ddanyu moohiwinya.

Eksodo 35:5

‘Muweekena ddoovelleella wa Apwiya. Sika arive muthu oyo anapaalla ovelleella ni murimaaye muttheene aweena ddeko wonanko golide, siliva, mukuwa,

Yesaya 32:8

Koma ooreera murima anaganizella ddaphaama nave anallipihella weera ddaphaama.

Deuteronomo 15:14

Mumuvahewo mwawoollowa matta va ddittheddene nnddo Apwiya yuudalisallenyunani monga enkhosa, tirigu ni vinyo.

Yakobo 5:9

Asinnaka ni arokoraka, muhillotellaneke ddoonanara wi Mulluku ahiweeruzeni. Ooweeruza ohiimella vamullakoni.

Yesaya 32:5

Ookarangeya khavahiwa olemu nave oolleka khariiheya.

1 Epilli 29:9

Vano athu yaahakallalla kaambiiwa yaavelleella wa Apwiya mwa opaalla wiwa ni murimiiwa muttheene. Nave mwene Davide aahakallallattho wunchichi.

Filemoni 1:14

Koma nginapaalla weere erive ello weyaano wakhoota vawi nginapaalla wi kuuwatihere wi okikavihere koma wi weere ddenndda moopaalla mwawo.