2 Akorinto 9:10 - Mawu a Mulluku

¹⁰ Nave Mulluku oyo anavaha mmiddo wi omiddiwe ni yoocha wi echiwe, aneerewuuvahanittho mmiddo muttheene munapaalleenyu nave aneerewunnuwiha ni wimmiha ddoohata ddinchichi ekaamba ya woollowa matta wanyunko.

2 Akorinto 9:10 ပူးပေါင်းရင်းမြစ်များ

Yesaya 55:10

Murimu ni nakhuttu ddinakittha ovenyera oddullu, kheddihokollweellawo koma ddinahellella ethaya. Ddinnamelliha ni wunnuwiha ddoomella, ddinnaavaha oollima mmiddo ni ddoocha.

2 Akorinto 9:6

Upuwellani wi muthu anamidda mmiddo wooyeva aneerohata ddooyeva nave oyo anamidda mmiddo wawaata aneerohata ddawaata.

Hoseya 10:12

Mumidde echilungamo nave muneerohata echikondaaka yoohisintheya. Tipulani ntthalla nanyu vawi enthawi yoowaashaasha Apwiya yookwakhwana. Waashaasheni Apwiya ophiyera ewiille wi emurupihe murimu amadaliso.

Oollalleya 11:6

Ohinase omidde m'middwaawo, misikuwattho ohiniithuuwiiha mattaawo vawi khonadduwella nnddo ddinaawunnuwe khaya tti nndda apaalle nndde apaalle piilliddene.

Afilipi 4:17

Khehiyo wi kinapaalla waakhella emphasove koma kinapaalla wi koone mwaakhellaka madaliso ekaamba ya ovaha wanyu.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

1 Atesalonika 3:12

Ninaaveka Apwiya wi yoonjerere ni wunnuwiha echikondaanyu va ookhulupilila akhwiinyu nave va athu attheene wonanko mmo echikondaahu va nyuwaano yunnuwelliiwa.

Mateyu 6:1

“Wehesesani wi muheere mitteko ddanyu ddoolungama vamiitthoni va athu wi ewooneni. Mweera ddiidda vamiitthoni va athu khamwaakhella erive emphaso yoovenyera wa Attiitthaanyu ooddullu.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Genesis 47:19

Apwiya, ethiyo ddawoona nikhwelle vamiitthoni vanyu nave nihiye emata ddahu? Munikulle hiyaano ni emata ddahu vawaakakhanihani ni ddoocha. Ninaakhalle akaporo a Farao nave olliye aneerokusa emata ddahu wi ddikhalle ddaaye. Munivahe mmiddo wi nihikhwe ni ettalla navettho wi emata ddahu ddihikhalle ddoohillima.”

Aefeso 5:9

vawi owala sika oneeriha ddaphaama, echilungamo ni yawoona.

1 Atesalonika 4:10

Munneera ddenndda wa asinninyu ni arokorinyu attheene mu Masedoniya muttheene. Koma ninnullipihani murima, asinnihu ni arokorihu wi mweereke ddenndda ohiyana ni khalle.

2 Akorinto 9:12

Vawi mutteko waphaama yoolla munaphareenyu khonakwakhwaniha ddoopaallave dda athu a Mulluku komattho onnaweeriha athu omuthokoza Mulluku wunchichi.

Agalatiya 3:5

Mulluku annuuvahani munepaaye ni weera ddoottikhiniha variyari vanyu. Ethiyo nndda ddinneereya kaambiiwa munniiwellella malamulo apaalle kaambiiwa munnakhulupilila othenga waphaama mwiiwalleenyooyo?