2 Akorinto 8:8 - Mawu a Mulluku

⁸ Nginallota yeella moolamula. Koma vawoonihani ntthitti na athu amodda voovahani, kinaaka koone echikondaanyu yaarimi eri yawoona.

2 Akorinto 8:8 ပူးပေါင်းရင်းမြစ်များ

1 Akorinto 7:6

Kinuulleellani ddenndda ohiri mowuulamulani koma moowaakhullellani wi muddeere.

Aheberi 10:24

Nivirellelle wuupuwellana, ollipihana wi noonihe echikondi ni weera ddaphaama.

2 Akorinto 9:7

Vano munaphwanella muvelleelleke eyo muganizalleenyu m'murimani mwanyu, moohikhupanya apaalle moowatiheriwa vawi Mulluku anakonda oyo anavelleella moohakallalla.

2 Akorinto 6:6

Koma hiyaano nohooniha wi tti oorumeyella a Mulluku vookhallani aweella murima, eezeru, oovillella ni ooreera murima, vookhallani ni Munepa Waweella ni echikondi yawoona,

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Aefeso 6:24

Echisomo ekhalle ni attheene ayo enaakonda Apwiihu Yesu Khrisitu ni echikondi yoohisintheya.

Aefeso 4:15

Voollotani yawoona mwa munepa wa echikondi, ninaphwanella wunnuwa mu ddeko ddittheddene mwa Khrisitu, oyo ari muru.

2 Akorinto 9:2

Kinnadduwella ntthitti nanyu voovelleellani nave kohuukotellani nyuwaano wa athu a o Masedoniya. Kaallota wi, “Asinnihu ni arokorihu o Akaiya yaakhozeka ovelleella waambeella muyakha omanlle.” Ntthitti nanyu noheeriha anchichi a yaayo wi evelleellettho.

2 Akorinto 8:24

Sika moonihe echikondaanyu wa alliwaayo wi mipingo ddittheddene ddisimikize dda yeella ni odduwella wi ninnallota ddawoona nawuukotellakani.

2 Akorinto 8:10

Muyakha omanlle mwahaamba muttekoolla nave mwaheera ddenndda moopaalla mwanyu. Sika vano kinaganiza wi tti waphaama wa nyuwaano wi

1 Akorinto 7:25

Vano ollota dda athu ehiri vanibanjani mwaalembelleenyu, nginna lamulo noovenyera wa Apwiya, kinallota maganizwaaka wonanko muthu oyo Apwiya yamweerelliiwa echifundo wi akhalle oororomelleya.

1 Akorinto 7:12

Nave wa amoddanyu, miyaano, ohiri Apwiya kinallota wi ookhulupilila aamullopwana akhalla ni mwaariye oyo ahiri ookhulupilila nave mwaariyooyo aakhullella wi akhallekeve ni olliyooyo, mullopwanooyo ahimuhiye mwaariyooyo.

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Yoswa 24:14

“Vano nyuwaano, mwaavahe olemu Apwiya nave mwaarumeyelleke mwawoona nave moororomelleya. Venyihani milluku nnddo makhollwaanyu yaddillapelliiwa okhopella wa mihinje wa Yufurate ni o Iguputo nave mwaarumeyelle Apwiya.