2 Akorinto 8:4 - Mawu a Mulluku

⁴ Moohiwatiheriwa, yaaniveka moosimikiza wi ekhallena ekari yowaavaha athu a Mulluku o Yerusalemu.

2 Akorinto 8:4 ပူးပေါင်းရင်းမြစ်များ

Mitteko 24:17

“Kavenyilleemi o Yerusalemu kaahokollowa vimanlle miyakha ddinchichi nave kaawaana wa athu a mutundwaaka makobiri ovenyera wa ookhulupilila amodda nave wi kiheraatthi mukutho.

Agalatiya 6:10

Sika vano nakhalla ni enthawi ninaphwanella neereke ddaphaama wa arive muthu nave makamaka ayo eri a mu nibanja nahu na echikhulupililo.

2 Akorinto 9:1

Tti woohipaalleya wi miyaano kuulembelleni dda ddoovelleella ddanyu wa athu a Mulluku o Yerusalemu.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

1 Akorinto 16:15

Munnadduwella dda Stefanasi ni nibanja naye wi yaari ookhulupilila awaamba mu Akaiya wi yahiivelleella weekhiiwa waarumeyella athu a Mulluku. Asinnaka ni arokoraka, kinimuuvekani

Agalatiya 2:10

Eyo yaanivekilliiwa tti yawi niwuupuwelleke athu oohoowa mumpingoni mwiwa, yeeyottho sika kikhanlleemi kipaallaka ollipihella.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

1 Akorinto 16:1

Vano kinaaka mudduwelle dda ddoovelleella makobiri awaakavihera athu a Mulluku o Yudeya nnddo mwalembilleenyu. Munaphwanella weera kalamulalleemi mipingo mu Galatiya wi ddeere.

Aroma 15:31

Muvekelle wi Mulluku akiteteze wa athu oohikhulupilila o Yudeya navettho wi orumeyella waka o Yerusalemunko okhalle wawaakhelliwa ni athu a Mulluku.

Mitteko 16:15

Olliye ni athu a nibanja naye ebatiziwe, aaniithana mooniwatihera wi, “Waawoni mukhalle mpa mwaka mwaarimi mwaakhullenlle wi kiri muthu ookhulupilila mwa Apwiya.” Nave aaniwatihera wawi nahaakhullella wi nikhalle ni olliye.

Mitteko 11:29

Sika oohuddera yahiiwanana wi tti waphaama wi erumiheke ddeko ddawaakavihera ookhulupilila akhwiiwa o Yudeya moollikana ni eyuumiiwa.

Mariko 14:7

Vawi munnakhalla ni athu oohoowa mallapo mattheene nave enthawi munapaalleenyu, muneerowora oweerella ddaphaama. Koma khamukhalla ni miyaano mallapo mattheene.

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 12:50

Oyo aneera ddoopaalla dda Attiitthaaka ooddullu sika mwanamunnaka, murokoraka ni amoowaaka.”

Mateyu 10:42

Nave oyo anamuvaha mmodda mwa oohuddera oohambuwaalla naari kapu amaaddi oowirya ooriirya kaambiiwa tti oohudderaaka, kinimuulleellani ddawoona wi, aneerothuviwa.”