2 Akorinto 8:2 - Mawu a Mulluku

² Yaheesiwa wunchichi ni ddoohoosa yoonilliiwa koma ohakallalla wiwa waari wuullupalli. Nave yaavelleella mwawoollowa matta naari eri oohoowa wunchichi.

2 Akorinto 8:2 ပူးပေါင်းရင်းမြစ်များ

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Miyambo 11:25

Murima woovaha oneerotukhuwa, oohellella nayeene aneerohellelliwa.

Deuteronomo 15:4

Khaavo naari mmodda mwa athu a mutundwaanyu oyo anaahoowe (vawi Apwiya Mullukwaanyu eneerewuudalisani mwiillaponi eyo enuuvaheewani wonanko yoohallana)

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

2 Akorinto 6:10

Ninnooniwa wonanko oomoriha ethakaraka naari enthawi ddittheddene nihakallallaka, wonanko oohoowa naari naaweeriha athu anchichi okhalla eeyuuma, wonanko oohikhalla ni ello naari niri ni ddeko ddittheddene.

2 Akorinto 9:13

Nave ekaamba ya omboni wa muttekwaanyoolla, athu anchichi eneeromutitimiha Mulluku. Vawi mwaakhulupilila othenga waphaama wa Khrisitu navettho ovelleella wanyu mwawoollowa matta vookawanani ni alliwaayo ni athu amodda attheene.

1 Atesalonika 1:6

Mwaanittakihera hiyaano ni Apwiya. Nave naari mwahoosiwe wunchichi, mwahaakhella othenga ni ohakallalla woovenyera wa Munepa Waweella.

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

1 Atesalonika 2:14

Asinnihu ni arokorihu, nnddo ddeereyille wa nyuwaano tti ddoophwanaphwana ni ddeereyille o mipingo dda Mulluku o Yudeya wa athu a wenko oomuthwara Khrisitu Yesu. Mwaahoosiwa ni athu oowaninyu emoddamoddave yeeyo alliwattho yaahoosiwa ni Ayuda.

2 Akorinto 9:11

Aneerewuulemelihani mu ddeko ddittheddene wi enthawi ddittheddene muvelleelleke mwawoollowa matta. Vano athu anchichi eneeromuthokoza Mulluku ekaamba ya emphaso ddanyu enaakhelliiwa oyeella mwa hiyaano.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Mateyu 20:15

Khonaakhullelliwa wa miyaano weera yeeyo kinapaalleemi ni makobiraaka? Apaalle onakikhallella ehache kaambiiwa miyaano kiri aphaama?’ ”

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

2 Akorinto 2:9

Kahuulembellanittho kalata yoolla kaambiiwa kapaalla wi kidduwelle ni oweesani mwaari mwiiwellellaka mu ddeko ddittheddene.