2 Akorinto 7:8 - Mawu a Mulluku

⁸ Vawi naari kalataaka aari uuvorihalleni murima, miyaano nginoonavo ello wi kaamulemba. Kahoonavo ello va enthawi yeeyo koma ohiri ollello kaambiiwa uuvorihalleni murima va enthawi yooyeva.

2 Akorinto 7:8 ပူးပေါင်းရင်းမြစ်များ

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

2 Akorinto 7:11

Ngoonani nnddo mwaakhenlleenyu ovenyera mwa ddoovoriiha murima ddoovenyera wa Mulluku. Mwaakhalla antthitti, mwahiiteteza wunchichi, mwamushella murima mwanamunninyu olle achimwalle, mwaarurumuseya, mwaakikhallella munkhella wi mukoone navettho mwaapaalla wunchichi omullaka mwanamunninyu olle achimwalle. Mohooniha mu ddeko ddittheddenenndda wi khamunna yoonanara.

2 Akorinto 7:6

Koma Mulluku oyo anallipiha murima wookhumuwa, aanillipiha murima hiyaano va owa wa Tito.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yohane 16:6

Koma kaambiiwa kohuulleellani nndda, m'murimani mwanyu mooddalla ethakaraka.

Maliro 3:32

Naari yaallakaka mweekuku, koma eneerewooniha echifundo, ekaamba ya echikondiiwa yoohisintheya.

2 Akorinto 7:7

Kohiyo owa wayeve wanillipihalle murima komattho vawiiwani mmo mwaamullipihelleenyu murima. Aanilleella dda munkhellaanyu munchichi woopaalla okoona miyaano ni okiteteza ni ethakaraka ddanyu va miyaano. Sika vano kiri oohakallalla ni murimaaka muttheene.

2 Akorinto 7:9

Koma vano koohakallalla, ohiri kaambiiwa kahuuvoriihani murima koma kaambiiwa ovoreya murima wanyu waheeriha wi murukunuwe murima. Ovoreya murimanngu wavenyera wa Mulluku wi muhinanarihiwe ni hiyaano mu erive ello.

2 Akorinto 7:12

Sika naari kamulembille kalata yoolle, khe ekaamba ya muthu oochimooyo apaalle oyo eerelliwe ddoonanara. Koma kamulembille kalatooyo wi muddoone weekhiinyu vamiitthoni va Mulluku mmo wunnuwa wa ntthitti nanyu okhallelliiwa va hiyaano.