2 Akorinto 7:7 - Mawu a Mulluku

⁷ Kohiyo owa wayeve wanillipihalle murima komattho vawiiwani mmo mwaamullipihelleenyu murima. Aanilleella dda munkhellaanyu munchichi woopaalla okoona miyaano ni okiteteza ni ethakaraka ddanyu va miyaano. Sika vano kiri oohakallalla ni murimaaka muttheene.

2 Akorinto 7:7 ပူးပေါင်းရင်းမြစ်များ

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.

2 Akorinto 5:2

Vano vookhallani m'musasanoolla, munkhellaahu tti munchichi wi niwarihiwe enyumbaahu yoddullweeyo.

2 Yohane 1:4

Kaahakallalla ni murimaaka muttheene wi kahaaphwanya amodda mwa aniinyu ekhallaka mu yawoona, wonanko mmo Attiitthiihu yaanilamulelliiwa.

Yakobo 5:17

Namallotella Eliya aari muthu wonanko hiyaano nave aavekella moollipiha wi murimu ahirupe nave murimooyo khaarupalle va miyakha miraru ni hafu.

Aheberi 2:1

Ella sika ekaambiiwa ninaphwanellaahu wi nipwatheke wunchichi yawoona niiwalleehu woova wi ninaahollowe.

1 Atesalonika 3:8

Vawi khamunatikheya mu eyaattanwaanyu ni Apwiya vano mirima ddahu ddoottaphuwa.

1 Atesalonika 3:6

Vano Timoteo oowaawo owaninyunko nave oonilleella epilli yaphaama ya echikhulupilwaanyu ni echikondaanyu. Oonilleella wi munnanuupuwella phaama mallapo mattheene nave wi munnapaalla onoona hiyaano wonankottho mmo ninapaallelleehu owoonani nyuwaano.

Akolose 2:5

Vawi naari kirekamellane ni nyuwaano m'mwiillini koma kinnuuganizerani nave koohakallalla vawoonani waattana wanyu navettho ohitikheya wanyu mu echikhulupilwaanyu mwa Khrisitu.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

2 Akorinto 8:16

Ninnamuthokoza Mulluku voomuvahani Tito ntthitti nowuukaviherani wonanko hiyaano!

2 Akorinto 2:9

Kahuulembellanittho kalata yoolla kaambiiwa kapaalla wi kidduwelle ni oweesani mwaari mwiiwellellaka mu ddeko ddittheddene.

Aroma 1:12

Kinaakeemi tti yawi echikhulupilwaanyu eneerokillipiha murima, emoddamoddave yeeyo, echikhulupililwaaka eneerewuullipihanittho murima.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Luka 22:44

Naari Yesu ahoowille wawoopiha m'murimani mwaye, aavekellave ohiyana ni vawaamba nave nikhurumella naye naari wonanko nikhame ninamorella vatthi.

Mateyu 26:75

Vano Petro ahuupuwella nnddo Yesu aamulleelleeye wi, “Mutthupi ohininlle onaakhalle okikhootille oraru.” Vano aakhuma vaatte, inlla moomoriwa ethakaraka.

Mateyu 5:4

Oodalisiwa tti ayo enoopa ekutho vawi Mulluku aneerewaallipiha murima!

Masalimo 141:5

Muthu oolungama ttuuwora okivadda, okihumullulla ekaamba yawi annakeerella echifundo. Koma kihaakhelle olemu wa athu oonanara vawi kinnavekella moovaanyihana ni mitteko ddiwa ddoonanara.

Masalimo 51:1

Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Masalimo 38:18

Kinnaakhullella machimwaaka, kinnakhupanya ekaamba ya onanara waka.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

1 Akorinto 5:2

Nave nyuwaano munakotella tini? Mwaphwanenlle m'moriweke ethakaraka nave muthu oyo enre ello yeella anaphwanella wi avenyihiwe variyari vanyu.

2 Akorinto 1:4

Mulluku annanikhurumusa murima mu ddoohoosa ddahu ddittheddene wi niworettho waakhurumusa murima akhwiihu ayo eri mu ddoohoosa ddoohiyanahiyana moollikana ni mmo hiyaano nakhurumuselliweehu murima.

2 Akorinto 7:6

Koma Mulluku oyo anallipiha murima wookhumuwa, aanillipiha murima hiyaano va owa wa Tito.

2 Akorinto 7:8

Vawi naari kalataaka aari uuvorihalleni murima, miyaano nginoonavo ello wi kaamulemba. Kahoonavo ello va enthawi yeeyo koma ohiri ollello kaambiiwa uuvorihalleni murima va enthawi yooyeva.