2 Akorinto 7:13 - Mawu a Mulluku

¹³ Ella sika ekaambiiwa ninallipihiweehu murima. Khe ollipihiwa murimave komattho ohakallalla wa Tito waanihakallalliha kaambiiwa nyuwaano mwaamukeraatthiha murima.

2 Akorinto 7:13 ပူးပေါင်းရင်းမြစ်များ

2 Akorinto 7:6

Koma Mulluku oyo anallipiha murima wookhumuwa, aanillipiha murima hiyaano va owa wa Tito.

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

1 Akorinto 12:26

Echiwalo ya mwiilli emodda yoona ovoreya, eziwalo ddittheddene ddinniwana ovoreya. Echiwalo emodda yavahiwa olemu, eziwalo ddittheddene ddinnahakallallana.

Aroma 15:32

Sika Mulluku aakhullella kineeroowa owaninyunko wi kihakallalle ni wi kiithuuwe voowaarerani ni nyuwaano.

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.

Filemoni 1:20

Sika, mwanamunnaka, okeerelle echifundo ekaamba ya Apwiya. Okillipihe murima wonanko mwanamunnaka ekaamba ya Khrisitu.

2 Timoteo 1:16

Apwiya yeerelle echifundo nibanja na Onesifore kaambiiwa aakihakallalliha wiilliwiilli. Nave khaawulliwe muru naari kaariimi mundende.

Afilipi 2:28

Vano miyaano kinnapaallesesa wi kimurumihe wa nyuwaano wi muhakallalle wiilli mwamoona olliye nave ethakarakaaka eneeromalla.

2 Akorinto 7:15

Sika vano echikondaaye wa nyuwaano tti yuullupalli, anuupuwelleeye mmo mwiiwellelleenyu navettho mwamwaakhenlleenyu moovelleella olemu wunchichi.

2 Akorinto 2:13

Koma ngaarina murendelle m'murimani mwaka kaambiiwa ngaamuphwanyillewo mwanamunnaka Tito. Sika kahaallaanya athu wenko nave kaaya o Masedoniya.

2 Akorinto 2:3

Ella sika ekaambiiwa kalembilleemi kalata wa nyuwaano. Ngaapanlle owa wa nyuwaano wi kivoriihiwe murima ni nyuwaano, athu ayo yaphwanenlle okihakallalliha. Vawi kinnadduwella wi miyaano kahakallalla sika attheenenyuttho moohakallalla.

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

1 Akorinto 16:18

Nave yaakillipiha murima, wonanko mmo yuullipihalleewani. Athu yaalla enaphwanella waavaha olemu.

2 Akorinto 7:14

Kaamulleella wi kinnuukotellani nave nginawulliwekevo muru ekaamba ya nyuwaano. Naanuulleellani ddawoona enthawi ddittheddene navettho mwa emoddamoddave yeeyo okotella wahu mwanyuwaano wa Tito wahooniha wi tti wawoona.

Filemoni 1:7

Vawi mwanamunnaka, echikondaawo yookihakallalliha ni okillipiha murima wunchichi! Nave wohaallipiha mirima athu a Mulluku.