2 Akorinto 7:11 - Mawu a Mulluku

¹¹ Ngoonani nnddo mwaakhenlleenyu ovenyera mwa ddoovoriiha murima ddoovenyera wa Mulluku. Mwaakhalla antthitti, mwahiiteteza wunchichi, mwamushella murima mwanamunninyu olle achimwalle, mwaarurumuseya, mwaakikhallella munkhella wi mukoone navettho mwaapaalla wunchichi omullaka mwanamunninyu olle achimwalle. Mohooniha mu ddeko ddittheddenenndda wi khamunna yoonanara.

2 Akorinto 7:11 ပူးပေါင်းရင်းမြစ်များ

Aroma 14:18

Vano arive muthu anamurumeyella Khrisitu mwawi ddiidda annaamuhakallalliha Mulluku nave annavahiwa olemu ni athu.

2 Timoteo 2:15

Ollipihelle okhalla awaakhullelleya vamiitthoni va Mulluku, wonanko mullupa mutteko oohiwulliwa muru ni muttekwaaye, oyo anahuddiha othenga wawoona wa Mulluku.

2 Akorinto 7:7

Kohiyo owa wayeve wanillipihalle murima komattho vawiiwani mmo mwaamullipihelleenyu murima. Aanilleella dda munkhellaanyu munchichi woopaalla okoona miyaano ni okiteteza ni ethakaraka ddanyu va miyaano. Sika vano kiri oohakallalla ni murimaaka muttheene.

Masalimo 2:11

Arumeyelleni Apwiya mwawoova, atitimiheni mootthukumella.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Yuda 1:23

Nave mwaavulluse amodda voowaakihani ovenyera omunlloni nave muweerelleke echifundo amoddattho koma muchenjere nave mwiitaneke ni yoowariiwa yooripihiwa ni machimo.

1 Petro 2:2

Mukhalleke wonanko anamwani awaamwa, enthawi ddittheddene mukhalleke ni nthona na mukaka waphaama wa Munepa wi mwawirya muneerewunnuwa nave muneerovullusiwa.

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Aheberi 4:1

Vano lonjezano na Mulluku allotilleeye khallenne na ovollowa munipuroni naye nawiithuuwellamo, nookhallawove. Hankoni nichenjere wi ahikhallevo naari mmodda anooneya wi khavollowillemo mwawiithuuwella.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Aefeso 5:11

Muhiiwananekena ddeko ddoohikhalla ni mutteko ddeko dda mwiipiphini koma muweena vaweella.

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

2 Akorinto 13:7

Ninnavekella wa Mulluku wi muhichimweke. Khahiyo wi hiyaano nnooniha wi tti aphaama koma wi mweereke ddaphaama naari amodda enoonaka wonanko oolephela.

2 Akorinto 9:2

Kinnadduwella ntthitti nanyu voovelleellani nave kohuukotellani nyuwaano wa athu a o Masedoniya. Kaallota wi, “Asinnihu ni arokorihu o Akaiya yaakhozeka ovelleella waambeella muyakha omanlle.” Ntthitti nanyu noheeriha anchichi a yaayo wi evelleellettho.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

2 Akorinto 6:4

Koma mu erive ello ninooniha wi niri oorumeyella a Mulluku. Vawi ninnavillella ddookhupanyiha, ddoohoosa, ddookatamiha,

2 Akorinto 2:6

Muthu yoolla oollakiwa mookwakhwanella oweella mwa eyo anchichi a nyuwaano mwiiwananeenyu.

1 Akorinto 12:25

Sika vihikhalle okawaneya m'mwiillini koma eziwalo ddittheddene ddiphwanaphwaneke moopwathana emodda ni ekhwaaye.

1 Akorinto 5:2

Nave nyuwaano munakotella tini? Mwaphwanenlle m'moriweke ethakaraka nave muthu oyo enre ello yeella anaphwanella wi avenyihiwe variyari vanyu.

Aroma 11:20

Tti ddawoona. Yahinttakeya ekaamba ya ohikhulupilila wiwa koma nyuwaano muri vaavo ekaamba ya okhulupilila wanyu. Sika muhiitukhulleke koma m'mooveke Mulluku.

Mitteko 17:16

Paulo aatiyereeye Sila ni Timoteo o Atene, aananariwa wunchichi oonilleeye wi muzindooyo waaddalla ni mafano.

Yohane 2:17

Vano oohudderaaye yahuupuwella wi mawu a Mulluku enallota wi, “Echikondaaka va enyumbaanyu oneerokoononga miyaano.”

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Daniele 6:14

Mwene iiwalleeye ddenndda, murima waamuvoreya wunchichi. Ahaamba oganiza ddoomuvullusa Daniele wawi aheeseesa ophiyera ovollowa wa nndduwa.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Yesaya 26:8

Ninnathwara ettilla ya malamulwaanyu, nyu Apwiya, ninnuutiyerellani. Ninnapaallesesa wi muupuwelliweke ni wi nnddina nanyu nititimihiweke.

Nchipo na Solomoni 8:6

Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

Miyambo 28:14

Oodalisiwa tti oyo anavirellella owoova Apwiya koma awummiha murimaaye aneeromorella mu ddookatamiha.

Miyambo 14:16

Muthu eezeru annoova nave annahiya ddoonanara koma ookarangeya anniitukhulla nave khanatikheya.

Masalimo 145:19

Ayo enawoova Apwiya ennavahiwa ddoopaalla ddiwa, ennawiiwa winlla wiwa, ennaavullusa.

Masalimo 130:6

Murimaaka onnaatiyera Apwiya, okhwaranya mmo mulonda anaweherelleeye osa, ddawoona, okhwaranya mulonda anaweherelleeye osa.

Masalimo 119:139

Osha murima waka onnakhara wonanko munllo m'murimani mwaka, kaambiiwa adanaaka ennatiwalla mawaanyu.

Masalimo 69:9

Echikondaaka va enyumbaanyu yookoononga, epewe ya athu awuuvevullani yookimorella.

Masalimo 42:1

Monga mmo epaalla enapaallelliiwa muhinje wa maaddi, tti mwemmo murimaaka onuupaallelliiwani, nyu Mullukwaaka.

Masalimo 38:9

Nyu Apwiya munnadduwella ddittheddene kinapaalleemi, khehiyo wi winlla ni murima waka khoniiweya wa nyuwaano.

Masalimo 35:13

Koma miyaano adanaaka yavoriwiiwa, kaawara eziguduli wooniha omoriwa ethakaraka. Kahiillaka voohallani ocha, kaavekella kiwaramenlle vatthi,

Nehemiya 13:25

Vano kaakanganana ni waatembelela nave kaawuukutha amodda ni waatulla meehiiwa. Nave kahaallupelliha vamiitthoni va Mulluku wi, “Muhaatthellihe aniinyu aatthiyana wa allopwana eelleto nave nyuwaano ni aniinyu aallopwana muhaatthelle atthiyana eelleto.

2 Akorinto 7:9

Koma vano koohakallalla, ohiri kaambiiwa kahuuvoriihani murima koma kaambiiwa ovoreya murima wanyu waheeriha wi murukunuwe murima. Ovoreya murimanngu wavenyera wa Mulluku wi muhinanarihiwe ni hiyaano mu erive ello.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Aroma 3:5

Vano ddaweera ddahu ddoonanara ddooniha echilungamo ya Mulluku, ninaallote tini? Ethiyo ttuuwora ollota wi Mulluku khanna echilungamo voonillakani? (Kinallota wonanko mmo muthu anallotelleeye.)

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

1 Timoteo 5:20

Attekweene ayo enavirellella ochimwa, waahumullulleke vamiitthoni va attheene wi amoddaayo yooveke.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha