2 Akorinto 7:10 - Mawu a Mulluku

¹⁰ Vawi ovoriiwa murima woovenyera wa Mulluku onnarukunusa murima wi ovullusiwe nave khaavo muthu anaakhalle ni ethakaraka ni ovoriiwa murima wenko. Koma ovoriiwa murima woovenyera wa athu onnawaana okhwa.

2 Akorinto 7:10 ပူးပေါင်းရင်းမြစ်များ

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Luka 15:10

Sika, kinimuulleellani wi, emoddamoddave yeeyo angelo a Mulluku ennahakallalla kaambiiwa muthu oochimwa mmodda oorukunuwa murima.”

Yona 3:10

Mulluku ahoona mmo athwaayo yeerelliiwa ni mmo yahiyeriiwa makhallellwiiwa oonanara. Sika aarukunusa maganizwaaye, ahaakhululukella athwaayo, khaatthollonse wonanko mmo allotelleeye.

Aheberi 12:17

Valle munnadduwella wi vatulli viwa aapaalla waakhella madaliso a attiitthinnya koma aawatteelliwa vawi kheyiivo aaweereeye wi asinthe eerilleeye khalle naari avekille moowinlla.

Miyambo 17:22

Murima woohakallalla onnattaphulla mwiilli koma woovoreya onnapwesa makhuva.

Yona 4:9

Koma Mulluku aamwaakhulla Yona wi, “Ethiyo weyaano ori ni tini yooshella murima?” Navettho Yona aawaakhulla Apwiya wi, “Ee kinanariwelle ddawoona. Vawi onanariwa wene ttiwookhwana.”

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.

Mateyu 26:75

Vano Petro ahuupuwella nnddo Yesu aamulleelleeye wi, “Mutthupi ohininlle onaakhalle okikhootille oraru.” Vano aakhuma vaatte, inlla moomoriwa ethakaraka.

Yona 3:8

Athu attheene eware mathumba. Enamattho ddikhuneelliwe ni mathumba. Arive muthu avekelle ni murima muttheene wa Mulluku. Ddawoona, arive muthu ahiye weera makhallellwaaye oonanara ni akhoto.

Ezekiele 7:16

Oohalla ayo enaavulluwe, enaakhalleke m'miyaangoni nave aneerekewinlla wonanko ekhunda. Arive muthu eneerekewiipullella ekaamba ya machimwaaye.

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Miyambo 18:14

Murima wa muthu onnamullipiha aavoriiwaka koma ttaani anaawuvillelle waavoreyaka?

Miyambo 15:15

Mallapo mattheene a muthu oohoosiwa tti oonanara koma muthu a murima woohakallalla annakhalla ni machellello oohimalla.

Miyambo 15:13

Murima woohakallalla onnooniha ekhove yoottaphuwa koma murima wookhumuwa onnooniha ekhove yoomora.

1 Mamwene 21:4

Vaavo Ahabu aavollowa mpa mwaye moollutuwa ni moosha murima ekaamba ya nnddo Naboti Muyezireele allotilleeye wi, “Nguuvahani yoohallana ya makhollwaaka.” Sika Ahabu aakonaatthi vabedini vaye anaweha osirini, oohipaalla naari ocha.

2 Samuele 17:23

Ahitofele oonille wi athu khethwarihalle malonjezwaayaalle, aamuwella bulwaaye, aya omuzindanaaye. Vano aakhoza ddittheddene dda mpa mwaye, iimakellella, aakhwa nave aavitthiwa mu mahame a attiitthinnya.

2 Samuele 13:4

Nllapo nimodda aamukoha Aminoni wi, “Ethiyo weyaano mwaana a mwene kaambiiwa tini onoondeewe nllapo ni nllapo? Killeelle enuukatamiha.” Aminoni aamwaakhulla wi, “Mi kinamupaalla Tamara, murokora a Abishalomu, mwanamunnaka.”

Genesis 30:1

Rakele oonilleeye wi khanamuyarella Yakobo anamwani, ahaamba omukhallella ehache muullupallaayoolle. Nave aamulleella Yakobo wi, “Kivaheni anamwani, mwaaheera ddiiddo miyaano kinimakhwa.”

Masalimo 38:18

Kinnaakhullella machimwaaka, kinnakhupanya ekaamba ya onanara waka.

Oollalleya 7:3

Omoriwa ethakaraka tti wookhwaranya ottheya ekaamba yawi naari ekhove emonre murima onnawora ohuddera.

2 Akorinto 7:9

Koma vano koohakallalla, ohiri kaambiiwa kahuuvoriihani murima koma kaambiiwa ovoreya murima wanyu waheeriha wi murukunuwe murima. Ovoreya murimanngu wavenyera wa Mulluku wi muhinanarihiwe ni hiyaano mu erive ello.