2 Akorinto 7:1 - Mawu a Mulluku

¹ Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

2 Akorinto 7:1 ပူးပေါင်းရင်းမြစ်များ

1 Atesalonika 4:7

Mulluku khaaniithanne wi neereke ddooraruwa koma ddaweella.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

Miyambo 8:13

Owoova Apwiya tti wiitana ni ddoonanara. Kinniitana ni okota wiitukhulla, weera ddoonanara ni muwano mookhoromana.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

1 Yohane 3:3

Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Aheberi 4:1

Vano lonjezano na Mulluku allotilleeye khallenne na ovollowa munipuroni naye nawiithuuwellamo, nookhallawove. Hankoni nichenjere wi ahikhallevo naari mmodda anooneya wi khavollowillemo mwawiithuuwella.

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Mateyu 5:8

Oodalisiwa tti ayo eri aweella murima, vawi eneeromoona Mulluku!

Masalimo 119:9

Ethiyo musombwe ttuusunga mwawiidde makhallellwaaye wi akhalle aweella? Vowaapwathani moollikana ni mawaanyu.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Aroma 5:20

Malamulo yaavelleelliwa wi athu edduwelle waata wa machimwiiwa koma machimo yaatilliiwa, echisomo ya Mulluku yahaanjerereya.

Yesaya 1:16

Hapani, ddeelliheni nyookha nave venyihanivoni vamiitthoni vaka mitteko ddanyu ddoonanara. Ddawoona, hiyani weera ddoonanara

Miyambo 30:12

Vookhalla amodda enaddeesa aweella koma khenavenyihe ddoonanara ddiwa.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Aheberi 12:28

Vawi nohaakhella omwene woohitikheya nimuthokozeke Mulluku nave nimullapelleke moophwanellella, moolemu ni mwawoova.

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.

1 Atesalonika 3:13

Mwa yeella aneerewuullipihani mirima ddanyu nave muneerokhalla aphaama ni aweella vamiitthoni va Mullukwaahu ni Attiitthiihu yaawaaka Apwiihu Yesu vamodda ni athwaaye attheene.

2 Akorinto 1:20

vawi oweella mwa olliye ddoolonjeza dda Mulluku ddinnakwakhwanihiwa. Ella sika ekaambiiwa nineereehu Amen oweella mwa Yesu Khrisitu wi nimutitimihe Mulluku.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Mateyu 12:33

“Muteekho wawunnuwa phaama onniimma ezipaso ddaphaama nave muteekho wohunnuwa phaama khoniimma ezipaso ddaphaama. Muteekho onadduwanyeya ni ezipaso ddiwa.

Yeremiya 13:27

Kohoona ddoonanara ddanyu, oraruwa wanyu, minkhella ddanyu ni ohulaanyu omiyaangoni ni ohakani. Otulli nyu a o Yerusalemu! Ethiyo munaakhalleve ooheellihiwa ophiyera niini?

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Miyambo 20:9

Ttaani anaallote wi, “Kooweelliha murimaaka nave nginna nichimo?”

Masalimo 19:9

Owoova Apwiya tti waphaama, khonamalla. Echiweruzo ya Apwiya tti yawoona wunchichi, tti yoolungama erive enthawi.

2 Epilli 19:9

Ahaavaha malangizo awi, “Muphareke mitteko ddanyu moowoova Apwiya ni moororomelleya ni murimaanyu muttheene.

Oollalleya 11:10

Sika vano venyiha ddookhupanyiha m'murimani mwawo, rapa ddawuuhoosa m'mwiillini mwawo. Vallethi esombwe ni enamwani tti ya mallapo ooyeva.

Aheberi 6:9

Naari ninalloteehu mwawi ddiidda, akhwaaka ookondiwaanyu, ninnasimikiza dda nyuwaano wi moodalisiwa phaama vawi muneerovulluwa.

1 Petro 1:15

Nave mukhalleke aweella murima mu ddeko ddittheddene muneereenyu vawi Mulluku oyo awiithanilleni tti aweella.

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Levitiko 13:58

Koma ellweeyo mwayichapa nave enguweeyo yatthulluwa, muchapettho wiilli nave enaakhalle yaweellihiwa.