2 Akorinto 6:9 - Mawu a Mulluku

⁹ Ninnooniwa wonanko oohidduwanyeya naari nidduwanyeyaka ni athu attheene, wonanko nookhwa naari niri ni okumi, wonanko noollakiwa naari nihiiphiwe.

2 Akorinto 6:9 ပူးပေါင်းရင်းမြစ်များ

Aroma 8:36

Mawu a Mulluku eni, “Mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.”

2 Akorinto 11:6

Apaalle miyaano nginna eruso yoollota koma kookhalla ni eruso yoodduwella. Vawi noowoonihani yeella phaamaddene enthawi ddittheddene ni mu ddeko ddittheddene.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

1 Akorinto 4:9

Vano kinnoona wi Mulluku oovaha nipuro noovevuwa wa hiyaano amurummwa, wonanko athu elamuliwe wi yiiphiwe wonanko ello yawoonihiwa wa ellapo yavatthi ettheene wa angelo ni wa athu.

2 Akorinto 5:11

Ninnadduwella wi tti woophwanella owoova Apwiya nave ninneeseesa waakopa athu amodda wi yaathwarelle Apwiyaayo. Mulluku annanidduwella phaama hiyaano nave kinnaganiza wi munnanidduwellattho hiyaano m'murimani mwanyu.

1 Akorinto 15:31

Asinnaka ni arokoraka, okhwa kinneetana nllapo ni nllapo! Wuukotellani waka, ekaamba ya Khrisitu Yesu Apwiihu, onnakeeriha ollota yeella.

1 Akorinto 11:32

Koma ninneeruziwa ni ollakiwa ni Apwiya wi nihiipiwe mullatu vamodda ni ellapo yavatthi.

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Mitteko 25:26

Navettho nginna ello yawi kimulembelle Kaisara yoollota dda muthoolla. Sika koomwiithaniha wi awe vamiitthoni va nyuwaano attheene makamaka nyuwaano mwene Agripa! Sika vano mumukohesese wi miyaano kiphwanye yoolemba.

Mitteko 25:19

Yallotilliiwa ddittheddene ddaari ddamallapellwiiwa nave dda muthu nnddina naye Yesu akhwilloolle koma Paulooyo anallota wi tti mukumi.

Mitteko 19:26

Vano munnoona ni wiiwa nyookha ddineera Paulo. Olliye anallota wi milluku ddoosemiwa ni athu khe milluku nave ohaakopa athu anchichi mu Efesommu naarittho mu echigawo ettheene ya Asiya.

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.