2 Akorinto 6:4 - Mawu a Mulluku

⁴ Koma mu erive ello ninooniha wi niri oorumeyella a Mulluku. Vawi ninnavillella ddookhupanyiha, ddoohoosa, ddookatamiha,

2 Akorinto 6:4 ပူးပေါင်းရင်းမြစ်များ

2 Akorinto 12:10

Kinnahakallalla ni ddoollova, ddoovevulliwa, ddookhupanyiha, ddoohoosa ni ddookatamiha ekaamba ya Khrisitu. Vawi kakhalla oofooka, vano kinakhalla amasiva.

2 Akorinto 4:8

Ovenyera embali ddoohiyanahiyana ninnakatamihiwa koma oohinyingallelliwa, ninnakayikihiwa koma khaninatathilla murima.

2 Akorinto 11:27

Kaanaphara mutteko moollipa nave wiilliwiilli ngaakona. Kaanavolliwa ettalla ni nthona nave wiilliwiilli ngaarina yoocha. Kaanariryiwa nave ngaarina yoowara.

2 Akorinto 12:12

Kaarimi ni nyuwaano, mookhurumusa murima kaheera ezizindikiro, ddoottikhiniha ni ddeko ddamasiva ddawooniha wi miyaano tti murummwa.

2 Akorinto 3:6

Tti olliye aaneerihalle wi niwore orumeyella echipangano yanaanweene yoovenyera mwa Munepa ohiri mwa lamulo noolembiwa. Vawi lamulo noolembiwa ninniipha koma Munepa annavaha okumi.

1 Akorinto 3:5

Ni okhalla wene, Apolo ttaani? Nave Paulo ttaani? Hiyaano tti oorumeyella a Mulluku, ayo yuuhoollelleni o echikhulupililo. Arive muthu a hiyaano anaphara mutteko Apwiya yaamvahilliiwa wi aphare.

Yowele 2:17

Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”

Yawuupullulla 3:10

Kaambiiwa mohiiwellella olamulella waka wi muvillelle, nameenettho kineerowaakihani va enthawi yaweesiwa eyo enaaweelle athu attheene a va ellapo yavatthi.

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

Aheberi 12:1

Vawi virive veko voonaapheella vookhalla amboni a echikhulupililo anchichi ddiidda, hankoni nivenyihevo erive ello yooniselliha, makamaka machimo ayo eniwanddeellelle nave nithamake ni murima muttheene mpikisano nambilleehoolla.

2 Timoteo 4:5

Nave weyaano awiithaalla mu ddittheddene, ovillelleke ddoohoosa, ophareke mutteko woollalleya othenga waphaama nave okwakhwanihe orumeyella wawo.

2 Timoteo 2:24

Nave oorumeyella a Apwiya ahikhalleke ookangana ni athu koma akhalleke ooreera murima wa athu attheene, oodduwella ohuddiha, oovillella,

2 Timoteo 1:8

Ohiwulliweke muru ovelleella omboni dda Apwiihu naari dda miyaano kiriimi mundende ekaamba ya Khrisitu koma okawane ni miyaano ddoohoosa ekaamba ya othenga waphaama mu masiva a Mulluku.

1 Timoteo 6:11

Koma weyaano muthu a Mulluku, thawa ddenndda nave othware echilungamo, omutitimiha Mulluku, echikhulupililo, echikondi, ovillella ni omaalleya.

1 Timoteo 4:6

Waahuddiha ookhulupilila ddeko ddenndda, oneerokhalla oorumeyella aphaama a Khrisitu Yesu, oollelliwa ni mawu a echikhulupililo ni a ehuddiho yawoona eyo wathwanreewe.

1 Timoteo 2:15

Koma mutthiyana anaavullusiwe vawaayarani anamwani, avirellella okhalla mu echikhulupililo, echikondi, weella murima ni moophwanellella.

1 Atesalonika 5:14

Asinnihu ni Arokorihu, ninuuvekani wi mwaahumullulleke athu oohipaalla ophara mutteko, mwaallipiheke murima athu awoova, mwaakavihereke athu oofooka navettho mumuvillelleke arive muthu.

1 Atesalonika 3:7

Ekaamba ya yeella, asinnihu ni arokorihu, echikhulupililwaanyu yoonillipiha murima mu mavihwaahu mattheene ni ddoohoosa ddahu ddittheddene.

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

Akolose 1:11

Mullipihiweke ni masiva mattheene oovenyera o masiva antitimiho naye wi muwore ovillella ni olleva erive ello. Mwaathokozeke Attiitthaanyu moohakallalla, ayo yaweerihalleni wi mukhallena eyo Mulluku aasungenlleeye athwaaye mu omwene woowala.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

2 Akorinto 11:9

Nave enthawi ettheene kaariimi ni nyuwaano ngawuuhoosilleni ni nikavihero kapaalleemi makobiri. Asinnaka ni arokoraka oovenyera o Masedoniya yaakivaha ddeko kapaalleemi. Khalle ngawuukatamihalleni navettho muhoollommo nguukatamihani!

2 Akorinto 7:11

Ngoonani nnddo mwaakhenlleenyu ovenyera mwa ddoovoriiha murima ddoovenyera wa Mulluku. Mwaakhalla antthitti, mwahiiteteza wunchichi, mwamushella murima mwanamunninyu olle achimwalle, mwaarurumuseya, mwaakikhallella munkhella wi mukoone navettho mwaapaalla wunchichi omullaka mwanamunninyu olle achimwalle. Mohooniha mu ddeko ddittheddenenndda wi khamunna yoonanara.

2 Akorinto 4:17

Nave ddookatamiha dding'onong'ono ninooneehu mvanndda ddineeroniphwanyella ntitimiho nuullupalli ni noohimalla, nookhwaranya ddookatahihannddo.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

1 Akorinto 9:11

Noomidda mmiddo wa munepa variyari vanyu voollalleyani. Ethiyo tti ello yoohikhalla phaama nahata ddeko ddoopaalleya mu okumaahu ovenyera wa nyuwaano?

Aroma 16:10

Mooni wa Apelesi, oorumeyella ororomelleya a Khrisitu. Moonittho wa a mu nibanja na Aristobulo.

Aroma 14:18

Vano arive muthu anamurumeyella Khrisitu mwawi ddiidda annaamuhakallalliha Mulluku nave annavahiwa olemu ni athu.

Aroma 5:8

Koma Mulluku ahooniha echikondaaye va hiyaano kaambiiwa Khrisitu aanikhwella naariihu oochimwa.

Mitteko 20:34

Munnadduwella nyookha wi kaphanre mutteko ni mattaakaalla wi kiphwanye eyo miyaano ni akhwaaka napaalleehu.

Mitteko 9:16

Vawi kineeromooniha mmo anaahoowelleeye wunchichi ekaamba ya nnddina naka.”

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Luka 21:19

Kaambiiwa mwavillella muneerewaakhella okumi woohimalla.

Yowele 1:9

Mikutho dda ddoocha ni dda ddoowirya khaddinavelleelliwa o enyumba ya Apwiya. Allupa mukutho eniminlla, oorumeyella a Apwiya.

Yesaya 61:6

Koma muneerekoromolliwa allupa mukutho a Apwiya, muneerekeweeriwa oorumeyella a Mulluku. Muneerekoocha eyuuma ya mitundu ddimodda muneerekokotella ntitimiho niwa.

2 Akorinto 2:17

Hiyaano khaninaphwanaphwana ni athu amodda anchichi ayo enakusa othenga wa Mulluku wonanko tti malonda oohiwallamella mutengo koma kaambiiwa Mulluku oonirumiha hiyaano, ninavuwiha othenga mwawoona vamiitthoni vaye oweella mwa Khrisitu.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Aroma 3:5

Vano ddaweera ddahu ddoonanara ddooniha echilungamo ya Mulluku, ninaallote tini? Ethiyo ttuuwora ollota wi Mulluku khanna echilungamo voonillakani? (Kinallota wonanko mmo muthu anallotelleeye.)