2 Akorinto 6:3 - Mawu a Mulluku

³ Khaninapaalla wi arive muthu aphwanyelle muttekwaahu yoonanara. Sika ninneeseesa wi nihihiye yoolepheliha va ettilla ya arive muthu.

2 Akorinto 6:3 ပူးပေါင်းရင်းမြစ်များ

Aroma 14:13

Vano nihiye weeruzana mmodda ni mukhwaaye. Koma moonesese wi muhaakukhumulle mwiilli nave muhaachimwihe asinninyu ni arokorinyu.

1 Akorinto 9:12

Nave amodda yaphwanella waakhella ddenndda ovenyera wa nyuwaano, hiyaano khaninaphwanella wunchichi waakhella ddenndda? Hiyaano khanipharihalle mutteko yoophwanella yeella koma noovillella erive ello wi nihisellihe othenga waphaama wa Khrisitu.

Mateyu 17:27

Koma khaninapaalla waashiha murima athu yaalla. Sika khawe o enyanja wamedde ehomba. Ehomba yawaambeella omedda waatthamihe eyano nave muwano mwaye oneerophwanyamo makobiri ookwakhwanella okhomella musonkhwaaka ni waawo wa enyumba ya Mulluku. Waakuse nave wakhomelle misonkho ddahu.”

1 Akorinto 9:22

Kakhalla variyari va athu oofooka mu echikhulupililo kinakhalla oofooka wonanko mmodda a yaayo wi kaakope alliwaayo. Sika wa athu attheene kinakhalla wonanko alliwaayo wi apaalle kaavulluse amodda a yaayo voopharihani mutteko erive ettilla.

2 Akorinto 8:20

Khaninapaalla wi muniphwanyelle yoonanara va mmo nineetihereehu ddoovelleella.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Mateyu 18:6

“Koma muthu oyo aneeriha wi mmodda a ang'onong'onwaalla ahiye okikhulupilila miyaano, waaweerokhalla waphaama wi nlluku na nsillo namakellelliweke munikohini mwaye nave apwinihiwe mu enyanja yoowallamella.

Mitteko 19:27

Vookhalla yawoopiha, vano muttekwaahoolla woonanarihiwa. Ehirittho yeeyove koma enyumba ya Artemi mullukwaahu muullupalli oyo anallapelliwa ni athu attheene mu Asiya naarittho a va ellapo yavatthi ettheene khekhalla ello nave otitimihiwa waye oneeromalla!”