2 Akorinto 6:2 - Mawu a Mulluku

² Vawi Mulluku anallota wi, “Enthawi kaganizalleemi ddawuukondella, kaawaakhullella, nllapo naphiyalliiwa wi kuuvulluse, kahuukavihera.” Ngiiwani! Ella sika enthawi yaphaama, ollello sika nllapo noovullusiwa!

2 Akorinto 6:2 ပူးပေါင်းရင်းမြစ်များ

Yesaya 49:8

Apwiya enallota wi, “Enthawi kinaaganizeemi ddawuukondella kineerowaakhulla, nllapo na ovullusa kineerewuukavihera. Kineerewuusunga wi okhalle echipangano wa athu wi kiyihokolloselle mwakhalle ellapo, oyikawakawa yoohallana yawoonongeya.

Aheberi 4:7

Nndda ddohoonihiwa mvo Mulluku akeraatthihalleeye nllapo nimodda, nno ninaromolliwa wi, “Ollello.” Viviralle miyakha ddinchichi aallota oweella mwa Davide wonanko allotelleeye khalle wi, “Mwiiwa mawu a Mulluku ollello, muhummihe mirima ddanyu.”

Aheberi 3:13

Koma munaphwanella mullipihaneke murima nllapo ni nllapo vawi ella tti enthawi yaphaama eyo mawu a Mulluku enayiromolliiwa wi, “Ollello.” Sika wi mmodda anyuwaano ahummihe murimaaye ekaamba yoollekiwa ni machimo.

Yesaya 61:2

Aakiruma wi kallalleye muyakha wa echifundo ya Apwiya, nllapo nawaahokollosella ddoonanara adaniiwa. Aakirumattho wi kaakhurumuse murima awinlla,

Aheberi 3:7

Sika vano Munepa Waweella anallota wi, “Mwiiwa mawu a Mulluku ollello,

Luka 4:19

nave killalleye wi muyakha wookwakhwana oyo Apwiya eneeriiwa yoonihe echifundwiiwa.”

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Masalimo 69:13

Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.

Luka 18:37

Athwaalle yaamwaakhulla wi, “Yesu a o Nazareti animavira.”