2 Akorinto 5:8 - Mawu a Mulluku

⁸ Ninnallipa murima wunchichi koma Waaweerokhalla phaama okhumamo m'mwiillini mwahummu ni okhalla owaani ni Apwiya.

2 Akorinto 5:8 ပူးပေါင်းရင်းမြစ်များ

2 Akorinto 5:6

Sika ninnallipa murima wunchichi enthawi ddittheddene. Ninnadduwella wi nakhalla owaani m'mwiillini wa ellapo yavattheella ninnarekamellana ni owaani wa Apwiya.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

Yohane 14:3

Nave kuukhozerani nipuronno, kineerohokollowa wi kuukuseni nithaanane wi mwakhalle nko kinaakhalleemi.

2 Akorinto 5:9

Ninnapaallesesa waahakallalliha, ohiyana ni erive ello, vatthimva naari oddullunko.

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Yawuupullulla 22:3

M'muzindanimmo khamukhalla ello yootembeleliwa ni Mulluku. Mpando woomwene wa Mulluku owaaka wa mwaanaankhosa oneerokhalla m'muzindanimmo nave oorumeyellaaye eneeromullapella olliye.

Mitteko 21:13

Koma aallota wi, “Kaambiiwa tini, muninlleenyu mookivoriiha murima ddiidda? Miyaanothi kookhozeka ohiri omakiwave o Yerusalemunko koma naari okhwa ekaamba ya Apwiya Yesu.”

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Luka 2:29

“Apwiya, mookwakhwaniha mawaanyu, Vano mwaakhullelle wi mi oorumeyellaanyu kikhwe ni murendelle.

Mateyu 25:23

Apwinnyaalle yaallota wi, ‘Woheera phaama, we mullupa mutteko aphaama ni oororomelleya, vawi waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Miyambo 14:32

Athu oonanara ennatathilliwa ni ddoonanara ddiwa koma oolungama ennateteziwa ni echilungamwiiwa.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.