2 Akorinto 5:17 - Mawu a Mulluku

¹⁷ Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

2 Akorinto 5:17 ပူးပေါင်းရင်းမြစ်များ

Ezekiele 36:26

Kineerewaavaha murima wanaanweene ni munepa musha. Kineerovenyiha murima wawumma wonanko nlluku nave kineerewaavaha muwari mwiwa murima wawoollowa wonanko muhehe.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Ezekiele 11:19

Kineerewaavaha murima wanaanweene ni munepa musha. Kineerovenyiha murima wawumma wonanko nlluku nave kineerewaavaha muwari mwiwa murima wawoollowa wonanko muhehe.

Agalatiya 6:15

Ophaddiwa naari ohiphaddiwa khonna mutteko koma okhalla oophatusiiwa anaanweene sika ori ni mutteko.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Yohane 15:5

“Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.

Ezekiele 18:31

Tathillani ddoonanara ddanyu ddakhalle nnddo mwakichimwenlleenyuna. Mukhalle ni murima wanaanweene ni munepa wanaanweene. Nyu Aisraele munaakhwelle tini?

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Aroma 7:6

Koma vano noottaphulliwa omalamuloni kaambiiwa niri wonanko ookhwa, omwallana ni malamulo ayo yaanimakille. Vano ninnamurumeyella Mulluku mu ettilla yanaanweene vawiiwellellani munepaaye ohiri orumeyella mu ettilla yakhalle ya malamulo oolembiwa.

2 Akorinto 5:16

Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

Yohane 3:5

Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.

Aefeso 2:15

Aheeriha malamulo mattheene a Mose wi ehikhalle ni mutteko ni wi aphatuse mulloko mmodda wanaanweene ovenyera m'millokoni miillinndde mu eyaattano ni olliyooyo wi vikhalle murendelle.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Yohane 15:2

Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo eniimma ezipaso wi yimme ezipaso ddawaata.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Mateyu 12:33

“Muteekho wawunnuwa phaama onniimma ezipaso ddaphaama nave muteekho wohunnuwa phaama khoniimma ezipaso ddaphaama. Muteekho onadduwanyeya ni ezipaso ddiwa.

Mateyu 24:35

Oddullu ni ellapo yavatthi ddineeromalla koma mawaaka khemalla.

1 Akorinto 13:11

Kaariimi mwaana, kallota wonanko mwaana, kaganiza wonanko mwaana nave ezeru ddaka ddaari wonanko mwaana. Vano vawi kohunnuwa koohiya okhalla wonanko mwaana.

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

2 Akorinto 12:2

Kinnamudduwella ookhulupilila mmodda aamullopwana oyo aakusiwe oya oddullu miyakha khumi ni misese ddivirallennddo (nginadduwella wi nndda ddaheereya apaalle ddaari ddoolloha, anadduwella tti Mullukuve).

Afilipi 4:21

Kinavelleella mooni wa arive muthu a Mulluku oyo ari mu eyaattano ni Khrisitu Yesu. Asinnaka ni arokoraka ayo eri ni miyaano wuno ennuuvahani mooni.

Aroma 16:7

Mooni wa Androniko ni Yunia, Ayuda akhwaaka ayo kaarimina mundende. Yaalla tti o odduwanyeya variyari va amurummwa nave yaakhalla ookhulupilila miyaano kihinakhalle.

Aroma 16:11

Mooni wa Herodiono, Muyuda mukhwaaka. Mooni wa ookhulupilila a mu nibanja na Narkiso.

Aroma 16:3

Mukivelleellelle mooni wa Prisika ni Akwila allupa mutteko akhwaaka voomurumeyella Khrisitu Yesu,

Aroma 16:9

Mumuvahe mooni Urbano, oorumeyella oororomelleya mukhwiihu mu eyaattano ni Khrisitu. Navettho mooni wa Stakisi, mukhwaaka kinamukondeemi.

Aroma 16:10

Mooni wa Apelesi, oorumeyella ororomelleya a Khrisitu. Moonittho wa a mu nibanja na Aristobulo.

Luka 5:38

Koma vinyo mushooyo anahelliwa m'mathumbani asha.