2 Akorinto 5:16 - Mawu a Mulluku

¹⁶ Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

2 Akorinto 5:16 ပူးပေါင်းရင်းမြစ်များ

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Yohane 15:14

Nyuwaano tti akhwaaka mweera kinuulamuleemini.

Yohane 2:4

Yesu ahaakhulla wi, “Moowe, muhikilleelle yawi keere, enthawaaka khenaphiye.”

Mateyu 10:37

“Oyo anaakonda attiitthinnya apaalle amennya ohiyana ni miyaano khanaphwanella okhalla oohudderaaka, oyo anamukonda mwanaye aamullopwana apaalle mwanaye aamutthiyana ohiyana ni miyaano khanaphwanella okhalla oohudderaaka.

2 Akorinto 11:18

Nave vawi athu anchichi enakotella ddeko dda omuthu, nameenettho kineereweera emoddamoddave yeeyo.

1 Samuele 2:29

Vano kaambiiwa tini munavevulleenyu mikutho ddaka ni ddoovelleella nnddo kalamulelleemi mookhallamo mwaka? Ethiyo onaariiha anaawo okikhwaranya miyaano vawiinenevihani ni ddoocha ddooddiva wunchichi dda vamukuthoni vaka nnddo athwaaka Aisraele enavelleelliiwa.

Deuteronomo 33:9

Alliwa yaanuuroromellani nyuwaano okhwaranya makhollwiiwa, abaliiwa apaalle aniiwa. Alliwa yahiiwellella malamulwaanyu nave yaaroromella echipanganwaanyu.

Yohane 8:15

Nyuwaano muneeruza wonanko mmo athu eneeruzelliiwa koma miyaano nginamweeruza arive muthu.

Afilipi 3:4

Ddawoona, miyaano kaakhulupilila ddeko ddenndda. Vakhalla mmodda ari ni ekaamba yookhulupilila ddenndda, miyaano kookhallattho ni ekaamba ddookhwaranya ohiyana ni vaavo.

Numeri 10:30

Olliye ahaakhulla wi, “Nguuthwarani koma kinaaye owanihu wa abalaaka.”