2 Akorinto 5:14 - Mawu a Mulluku

¹⁴ Ninalamuliwa ni echikondi ya Khrisitu vawi ninnasimikiza wi muthu mmodda aakhwa ekaamba ya athu attheene, sika attheene yaakhwana.

2 Akorinto 5:14 ပူးပေါင်းရင်းမြစ်များ

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

Aroma 5:15

Koma eellaalla khe oophwanaphwana kaambiiwa emphaso ya Mulluku khenaphwanaphwana ni machimo a Adamu. Tti ddawoona wi athu anchichi yaakhwa ekaamba ya machimo a muthu mmoddooyo. Koma echisomo ya Mulluku tti yuullupalli koma emphaso ya echisomo ya Mulluku tti yuullupalli navettho ennaaphiyera athu anchichi oweella mwa muthu mmodda, Yesu Khrisitu.

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

1 Petro 1:8

Munnamukonda naari muhimonne nave munnakhulupilila mwa yooyo naari vano muhimonne. Sika munnahakallalla wuullupalli ni murimaanyu muttheene,

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

2 Akorinto 3:9

Lamulo naweeruza athu wi yiiphiwe naarimi niri ni ntitimiho nave ntitimiho na echipangano yanaanweene nno nnaalungamiha athu niri nawunnuwa mwawiidde!

Aheberi 2:9

Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

1 Timoteo 5:6

Koma naamukhwelle oyo anahakallalliha minkhella dda yeekha, ookhwa khalle naari ari ni okumi.

1 Akorinto 16:22

Oyo ahinaakonda Apwiya akhalle ootembeleliwa. Apwiihu waani!

1 Timoteo 2:6

oyo iivelleelle yeekhaaye wi amoopolle arive muthu. Woopollanngu sika omboni waavelleelliwe va enthawi yoophwanellella.

Akolose 2:13

Enthawi yeeyo mwaari ookhwa m'munepani ekaamba ya machimwaanyu navettho kaambiiwa khamwaari athwaaye, oohikhalla ni malamulo. Koma Mulluku ahuuvenyihani wi mukhalle akumi ni Khrisitu vookhululukellani machimwaanyu mattheene.

Aefeso 6:24

Echisomo ekhalle ni attheene ayo enaakonda Apwiihu Yesu Khrisitu ni echikondi yoohisintheya.

Yohane 11:25

Yesu aamulleella wi, “Mi tti oyo anaavenyiha athu wa ookhwa ni waavaha okumi. Ayo enakikhulupilila miyaano aneerokhalla ni okumi woohimalla naari ekhwille.

Nchipo na Solomoni 1:4

Kikuse nave hanko naakuve. Mwene, kivollochihe muchipindani mwawo. Nihakallalle wunchichi nimodda. Niyiriihe echikondaawo omukhwaranya vinyo. Anamwalli attheene enuukondella ddawoona.

1 Akorinto 2:14

Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

Luka 15:24

Vawi mwanakoolla aari wonanko ookhwa, vano tti mukumi. Aarimeella, vano oophwanyeya.’ Vano yahaamba ohakallalla vamachellelloni.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

2 Akorinto 3:7

Malamulo a Mose yawakiwe vamallukuni nave yawiille mwa ntitimiho. Naari owala wa ekhove ya Mose wamalliiwa, waari wamasiva wawi athu a o Israele kheyaaworille owehave va olliyooyo. Malamulo yaalla, ayo eniipha, yaarimi ewiille ni ntitimiho nenno,

Aroma 2:2

Attheene ninnadduwella wi echiweruzo ya Mulluku va athu eneera ddeko ddenndda tti yawoona.

Yohane 5:25

Ddawoona, kinimuulleellani wi, enthawi enimawa nave yoophiya khalle yawi athu ookhwa mu munepa eneerewiiwa okhuwa wa miyaano Mwaana a Mulluku nave ayo eniiwe ni wiiwellella eneerokhalla ni okumi.

Yobu 32:18

Vawi kookhalla ni mawu manchichi, murimaaka onimakiwatihera wi killote.

Mitteko 18:5

Sila ni Timoteo yaphiyalliiwa ovenyera o Masedoniya, Paulo aari aviheeriwalle ni ollalleya mawu, owoonihella Ayuda wi Yesu sika Mesiya.*

Luka 24:29

Koma alliwaayo yaamuwatihera wi, “Mukhalle ni hiyaano wuno vawi nndduwa nimmavollowa nave wohaamba khalle oripa.” Sika aavollowa akhalla ni alliwaayo.

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Aroma 6:6

Nave ninnadduwella wi makhallellwaahu akhalle aakhwa vamodda ni Khrisitu vamutandani wi masiva a makhallellwaahu oochimwa yoonongiwe wi nihikhalle akaporo a machimo.

Aroma 6:13

Naarittho muhiivelleelle nyookha o machimo wi muphare mutteko woonanara. Koma nyuwaano muvenyihiwe wa ookhwa wi mukhalle akumi, mwiivelleelle nyookha wa Mulluku navettho mwiivelleelle wa olliyooyo wi muphare mitteko ddoolungama.

Akolose 3:3

Vawi mookhwa nave okumaanyu woovittheya ni Khrisitu mwa Mulluku.

1 Epilli 11:18

Vano athu araru amasivaalle yaakhwaranya misasa dda Afilisti nave yaarika maaddi veehimeni ya Betelehemu eyo yaari vakhuviru ni va mullako valle. Nave yaakusa maaddaayo ewaana wa Davide. Koma Davide khaawiryalle maaddaayo, aawiithella muthaani wonanko yoovelleella wa Apwiya.