2 Akorinto 5:1 - Mawu a Mulluku

¹ Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

2 Akorinto 5:1 ပူးပေါင်းရင်းမြစ်များ

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

2 Akorinto 4:7

Nave hiyaano nirina eyuuma ya Munepa niri wonanko mino wi noonihe wi masiva muullupalli tti a Mulluku, ohiri a hiyaano.

Aheberi 9:11

Koma Khrisitu awiille wonanko mullupa mukutho muullupalli a ddeko ddaphaama nnddo ddirivo khalle. Aayaattho mu musasa woollapellamo waphaama wunchichi oyo ohimakiwe ni athu nave yooyo khohiyoni wa ellapo yavattheella.

Yobu 4:19

Mwawiidde muthu awoopiwa ni olloko, oyo matthipellwaaye tti ethaya, oyo anaanyenyeye wonanko enjenjete.

1 Petro 1:4

Sika vano ninatiyera waakhella madaliso ayo Mulluku anaasungelleeye athwaaye. Anuusungellani nyuwaano oddullu, wenko khenuunta apaalle woonongeya apaalle omalla.

2 Akorinto 5:4

Ninakhalleehu m'misasani dda ellapo yavattheella, ninniipullella ni okhupanya, khe wi ninapaalla ohiya mwiillaahu wa ellapo yavattheella koma ninapaalla wi niwarihiwe mwiilli wooddullu wi okhwa emiryiwe ni okumi.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Mariko 14:58

“Hi naamwiiwa allotaka wi, ‘Miyaano kineerokumulla enyumba ya Mullukweella yoomakiwa ni athu nave vavira mallapo mararu kineeromaka emodda yoohimakiwa ni athu.’ ”

2 Petro 3:11

Vawi ddeko ddittheddenenndda ddineerewoonongiwa mwawi ddiidda, munaakhalle athu a mutundu tini? Okumaanyu onaphwanella okhalle wa weella nave wawiivelleella wa Mulluku,

Akolose 2:11

Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.

1 Yohane 3:19

Vano naawaakondaka amodda ninnadduwella wi ninakhalla mu yawoona. Navettho mmu sika ninakhalleehu oollipa murima vamiitthoni va Mulluku.

1 Yohane 3:14

Ninnadduwella wi noohiyana ni okhwa nave noophiya mu okumi kaambiiwa ninnaakonda asinnihu ni arokorihu. Ayo ehinakondana aakhallave vatthi va masiva a okhwa.

Aheberi 11:10

Abrahamu eera ddiidda atiyeraka ovollowa mu muzinda wookhalla ni matthipello oohimalla oyo waganizeriwe ni omakiwa ni Mulluku.

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

Masalimo 56:9

Vano adanaaka eneerohokolloselliwa mutulli, va nllapo nno kinaamwiithaneemi Mulluku, koodduwella wi ari o embalaaka.

Yobu 30:22

Munnakitukhulla ni okeetiha veephevoni, munnakivokhella mu namondwe awoopiha.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

Yesaya 38:12

Okumaaka wohaakhiwa ni ovenyihiwavo, wonanko musasa wookumulliwa, wonanko ekuwo yoovillikiwa, wonanko ekuwo yoophaddiwa ni matchini, ovenyera mahiiyu ophiyera otthaana mwaanakikokholla.

Mitteko 7:48

“Koma Mulluku Muullupalli khanakhalla mu enyumba ddoomakiwa ni athu moollikana ni mmo alembille namallotella wi,