2 Akorinto 4:9 - Mawu a Mulluku

⁹ Ninnahoosiwa koma oohitathilliwa ni Mulluku. Nave naari ninnavoreyiwa, khaninoonongeya.

2 Akorinto 4:9 ပူးပေါင်းရင်းမြစ်များ

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Mika 7:8

We mudanaaka, ohikittheye vawi naari kiikuhalle kineerovenyattho. Naari kiri mwiipiphini, Apwiya sika enaakhalle omolleella waka.

Miyambo 24:16

Vawi muthu oolungama anniikuha otthanu ni opiilli anavenya koma muthu oonanara anakhumuwa otulli wammorella.

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

2 Akorinto 7:6

Koma Mulluku oyo anallipiha murima wookhumuwa, aanillipiha murima hiyaano va owa wa Tito.

Yesaya 62:4

Khowa oromolliwattho “Oohiyiwa.” Ellapwaawo khewa eromolliwattho “Echipululu.” Koma vano onaaromolliweke “Kinnahakallalla ni olliye.” Ellapwaawo enaaromolliweke “Ootthelliwa moohakallalla” ekaamba yawi Apwiya ennahakallalla ni weyaano, onaakhalle wonanko ootthella a ellapwaawo.

Masalimo 9:10

Apwiya, ayo enuudduwellani ennuuroromellani, khamunamuhiya muthu oyo anawaashaashani.

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Masalimo 42:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

Masalimo 37:28

Apwiya ennakonda echilungamo, kheyaahiya athwiiwa oororomelleya, eneerewaasunga wa enthawi yoohimalla, koma eneerowoonga athu oonanara.

Masalimo 22:1

Mullukwaaka, Mullukwaaka kaambiiwa tini mukihiyalleenyu? Kaambiiwa tini muhinakikavihereenyu naari vang'ono? Kaambiiwa tini muhiniiweenyu wiipullella waka?

Yobu 22:29

Vawi Mulluku annaakitthiha awiitukhulla, koma annaavullusa awiiyeviha.

Masalimo 129:2

“Adani aakhalla ekihoosaka wunchichi waambeella kiri musombwe komave kheyaapambanille.

Habakuku 3:17

Naari namukuyu ahiphuwe malluwa apaalle mipesa ddihiime ezipaso apaalle olivi ahimme ezipaso, m'matani muhikhalle ddoocha apaalle eziweto ddittheddene ddikhwe m'makhollani,

Aroma 8:35

Ttaani vano anaanimwallanihe ni echikondi ya Khrisitu? Ethiyo ddookatamiha apaalle ddoovoreya, ohoosiwa, ettalla, ohoowa, ddawoopopiha apaalle okhwa ttuuweera ddenndda?

2 Timoteo 3:12

Nave attheene ayo enapaalla okhalla mu okumi woomullapella Mulluku mwa eyaattano ni Khrisitu Yesu eneerohoosiwa.