2 Akorinto 4:7 - Mawu a Mulluku

⁷ Nave hiyaano nirina eyuuma ya Munepa niri wonanko mino wi noonihe wi masiva muullupalli tti a Mulluku, ohiri a hiyaano.

2 Akorinto 4:7 ပူးပေါင်းရင်းမြစ်များ

2 Akorinto 5:1

Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

1 Akorinto 1:28

Aatthoolla eyo eri yoohikhalla ni mutteko vamiitthoni va athu ni yoovevulliwa, eyo ehiri ello wi eerihe ohikhalla ni mutteko eyo athu eneesiiwa yookhalla ni mutteko.

Akolose 2:3

Olliye tti yoohullella ya eyuuma yoovittheya ya ezeru ni odduwella wa Mulluku.

Maliro 4:2

Ngoonani, anamwani a Ziyoni ayo khalle yaari wonanko golide aphaama, koma vano eneesiwa epalli.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

2 Akorinto 10:10

Vawi amodda enallota wi, “Makalata a Paulo tti amasiva ni oowalli. Koma akhalla ni hiyaano, anakhalla oofooka nave mawaaye tti oohikhalla ni mutteko.”

Mateyu 13:44

“Omwene wa Mulluku tti wonanko eyuuma evitthiwe m'matani. Muthu ayiphwanya annayiivitthattho nave annahakallalla wawi annarowa akulliha ddeko ddaye ddittheddene. Eera ddiiddo annahokollweella akulla emateelle.

2 Timoteo 2:20

Mu enyumba yuullupalli khamunakhalla ddookusella dda golideve ni silivave komattho munnakhalla dda muteekho ni dda ethaya. Ddimodda ddinapharihiwa mutteko woopaalleya, ddimodda mutteko washisha.

2 Akorinto 4:1

Mulluku mu echifundwaaye oonivaha mutteko yoolla wi niphare, sika vano khenitathilla murima.

Akolose 2:12

Vawi mwabatiziweenyu, mwaavitthiwa vamodda ni Khrisitu nave mu obatizo mwaavenyihiwattho ni Khrisitu oweella mu echikhulupilwaanyu mu masiva a Mulluku, oyo amuvenyihalle wa ookhwa.

Yobu 4:19

Mwawiidde muthu awoopiwa ni olloko, oyo matthipellwaaye tti ethaya, oyo anaanyenyeye wonanko enjenjete.

1 Atesalonika 1:5

Vawi naahuukusellani othenga waphaama, ohiri ni mawuve navettho ni masiva ni Munepa Waweella navettho moohikayikella yawoona. Munnadduwella mmo napaallelleehu wuukaviherani nakhalleehu ni nyuwaano.

Aefeso 2:5

vawi naariihu ookhwa m'munepani voohiiwellellani aanivenyiha vamodda ni Khrisitu. Echisomo ya Mulluku sika yuuvullusalleni.

2 Akorinto 13:4

Naari aari oofooka vootthomeyiwani vamutandani vano tti ookumi oweella mu masiva a Mulluku. Hiyaanottho tti oofooka wonanko olliyooyo koma vaweerani ni nyuwaano ninakhalla ni okumi oweella mwamasiva a Mulluku wonanko olliyooyo.

Oweeruza 7:2

Apwiya yaamulleella Gideoni wi, “Athu oriiwenaalla aakaatella wi kaagonjihe Amidiyani, ekaamba yawi Aisraele eneerokivevulla miyaano voollotani wi, ‘Niivullusalle ni masivaahu.’

2 Akorinto 6:10

Ninnooniwa wonanko oomoriha ethakaraka naari enthawi ddittheddene nihakallallaka, wonanko oohoowa naari naaweeriha athu anchichi okhalla eeyuuma, wonanko oohikhalla ni ello naari niri ni ddeko ddittheddene.

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Yobu 10:9

Upuwellani wi mwakoopille ni olloko. Ethiyo vano munakihokollosella onthupini wenko?

Yobu 33:6

Ddawoona, kiri monga nyuwaano vamiitthoni va Mulluku vawi miyaanottho koopiwe ni olloko.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

1 Atesalonika 4:4

Arive muthu anyuwaano adduwelleke okhalla ni mwaariye mwaweella ni moolemu,