2 Akorinto 4:17 - Mawu a Mulluku

¹⁷ Nave ddookatamiha dding'onong'ono ninooneehu mvanndda ddineeroniphwanyella ntitimiho nuullupalli ni noohimalla, nookhwaranya ddookatahihannddo.

2 Akorinto 4:17 ပူးပေါင်းရင်းမြစ်များ

Aroma 8:18

Kinnasimikiza wi ddoohoosa dda mallapo yaalla khaddinaphwanaphwana ni ntitimiho ninawanno nno ninawuupullulliwe wa hiyaano.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

Aroma 8:37

Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

1 Akorinto 2:9

Nave mawu a Mulluku enallota wi, “Eyo muthu ahoonilleeye apaalle wiiwa, eyo muthu ahiganizereeye wi ttuuweereya, tti yeeyo Mulluku aakhozereeye ayo enamukonda.”

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Afilipi 1:19

kaambiiwa kinnadduwella wi kineerottaphulliwa ekaamba ya mavekellwaanyu ni nikavihero noovenyera wa Munepa wa Yesu Khrisitu.

Yesaya 54:8

Kahuuhiya va enthawi yooyeva, kishille murima wunchichi koma ni echikondaaka yoohisintheya wa enthawi yoohimalla kineerewuumorella ethakaraka.” Apwiya, Oovullusaawo, sika enallota.

Masalimo 119:71

Tti waphaama wi kaallakiwa wi kihuddere malamulwaanyu.

Masalimo 73:24

Munnakookollella ni malangizwaanyu, vatulli viwa muneerokaakhella mu ntitimiho nanyu.

Mitteko 20:23

Emoddave eyo kinadduwelleemi tti yawi Munepa Waweella ookichenjeza wi muzinda orive muttheene kinayeemiwo, endende ni ddoohoosa ddinimakitiyera.

Mateyu 5:12

Kotellani nave hakallallani kaambiiwa muneerothuviwa wuullupalli oddullu. Anamallotella yaahoosiwattho mwawi ddiidda khalle muhinayariwe nyuwaano.

Yesaya 64:4

Waambeella khalle khaavo oyo oonille apaalle iiwalle dda Mulluku mmodda oollikana ni nyuwaano, ooweerella ddawi ddiidda athu ootiyerella va olliye.

Masalimo 119:67

Kihinaambe ollakeya kaanahollowa, koma vano kinniiwellella mawaanyu.

Masalimo 31:19

Ophaamaanyu tti wuullupalli oyo mwaasungenlleenyu athu oowoovani, oyo muweerelleenyu athu oothawella wa nyuwaano, oyo wooniwe ni arive muthu.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

2 Atesalonika 1:6

Mulluku tti oolungama ndithu, aneerewaallaka ayo enuuhoosani.

2 Atesalonika 1:4

Ella sika ekaambiiwa hiyaano ninalloteehu ddawuukotellani mu mipingo dda Mulluku. Ninnallota dda mmo munavillelleenyu ni okhulupilila naari mukatamihiwaka navettho muhoosiwaka.

Luka 6:23

Hakallallani ddeko ddenndda ddaaweereyellakani nave mwiine ni ehakallallo kaambiiwa muneerothuviwa wuullupalli oddullu. Vawi makhollo a athu oonanaraayo yaheera ddimoddamoddave ddennddo wa anamallotella.”

Yesaya 26:20

Athwaaka, vollowani mpa mwanyu nave mwiiwallelle. Mwiipitthe vang'ono ophiyera osha murima wa Apwiya omanlle.

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

Numeri 5:28

Koma mutthiyanooyo akhalla wi khiiripihalle nave khachimwalle, khakhalla ni mullatu nave aneerekowora waayara anamwani.