2 Akorinto 4:12 - Mawu a Mulluku

¹² Hiyaano nahaakhullella woopopihiwa ni okhwa wi nyuwaano mukhalle ni okumi.

2 Akorinto 4:12 ပူးပေါင်းရင်းမြစ်များ

2 Akorinto 13:9

Ninnahakallalla wi hiyaano naafookaka nyuwaano munnakhalla ni masiva. Nave ninnavekellattho wi mukhalle aphaama wunchichi.

1 Yohane 3:16

Ninnadduwella wi echikondi tti tini kaambiiwa Khrisitu aapaalla okhwa ekaamba ya hiyaano. Navettho hiyaano ninaphwanella nipaalleke okhwa ekaamba ya asinnihu ni arokorihu!

1 Akorinto 4:10

Hiyaano tti ookarangeya ekaamba ya Khrisitu koma nyuwaano tti eezeru mwa Khrisitu! Hiyaano tti oofooka koma nyuwaano tti amasiva! Nyuwaano munnavahiwa olemu koma hiyaano ninnavevulliwa!

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

2 Akorinto 12:15

Kineerohakallalla ovelleella ddaaka ddittheddene ni meenettho wi kuukavihereni. Nave ethiyo kaawuukondakani wunchichi, nyuwaano mukikondeke vang'ono?

Afilipi 2:30

kaambiiwa ahiivelleella moollipa murima nave ohalla vakhuviru okhwa ekaamba ya mutteko wa Khrisitu wi akikavihere munipuroni mwanyu.

2 Akorinto 4:11

Mu okumaahu muttheene ninnoopopihiwa ni okhwa ekaamba ya Yesu wi okumaayettho wooneye mwa hiyaano.

2 Akorinto 4:13

Mawu a Mulluku eni, “Kaallota kaambiiwa kaakhulupilila.” Vookhallani ni murima yooyottho wookhulupilila, ninnallotattho kaambiiwa ninnakhulupilila.