2 Akorinto 4:10 - Mawu a Mulluku

¹⁰ Enthawi ddittheddene ninneetana okhwa wa Yesu m'mwiillini mwahu wi okumaayettho wooneye m'mwiillini mwahu.

2 Akorinto 4:10 ပူးပေါင်းရင်းမြစ်များ

Aroma 6:5

Vawi naari amodda ni Khrisitu mu okhwa wonanko olliye, emoddamoddave yeeyo nineerokhalla amodda ni olliyooyo voovenyihiwani wa ookhwa.

2 Timoteo 2:11

Mawu alla tti oororomelleya awi, “Nakhwa mwa olliye, nineerokhalla ni okumi mwa olliye.

1 Petro 4:13

Koma hakallallani mwaahoosiwaka wonanko Khrisitu. Sika wi muhakallalle wunchichi ntitimiho naye nuupullulliwa.

Aroma 6:8

Vawi naakhwa ni Khrisitu, ninnakhulupilila wi nineerokhallattho ni okumi ni olliyooyo.

2 Akorinto 13:4

Naari aari oofooka vootthomeyiwani vamutandani vano tti ookumi oweella mu masiva a Mulluku. Hiyaanottho tti oofooka wonanko olliyooyo koma vaweerani ni nyuwaano ninakhalla ni okumi oweella mwamasiva a Mulluku wonanko olliyooyo.

2 Akorinto 1:5

Moollikana ni mmo ninahosiwelleehu wunchichi mwa Khrisitu, emoddamoddave yeeyo ni ninnakhurumusiwa murima wunchichi mwa Khristooyo.

Aroma 8:36

Mawu a Mulluku eni, “Mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.”

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

2 Akorinto 1:9

Naganiza wi nineerolamuliwa wi niiphiwe. Koma nndda ddaheereya wi nihiiroromelleke weekhiihu koma nimuroromelleke Mullukuve oyo anaavenyiha athu ookhwa.

Agalatiya 6:17

Voomallihani, arive muthu ahikikatamihettho kaambiiwa mapamba kiriimina vamwiillini vaka enooniha wi miyaano tti kaporo a Yesu Khrisitu.

Yohane 14:19

Yoohalla enthawi yooyeva nave athu a va ellapo yavatthi khewa ekoonattho miyaano koma nyuwaano muneerokoona miyaano kaambiiwa miyaano tti mukumi wa enthawi yoohimalla muneerokhalla akumi wa enthawi yoohimalla.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

2 Akorinto 4:11

Mu okumaahu muttheene ninnoopopihiwa ni okhwa ekaamba ya Yesu wi okumaayettho wooneye mwa hiyaano.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.