2 Akorinto 4:1 - Mawu a Mulluku

¹ Mulluku mu echifundwaaye oonivaha mutteko yoolla wi niphare, sika vano khenitathilla murima.

2 Akorinto 4:1 ပူးပေါင်းရင်းမြစ်များ

2 Atesalonika 3:13

Nave nyuwaano, asinnihu ni arokorihu, muhitope vaweerani ddaphaama.

Agalatiya 6:9

Sika nihitope vaweerani ddaphaama vawi enthawi eneerokwakhwana eyo nineereehu nitthukumanihe ddoohata.

Aefeso 3:13

Vano kinimuuvekani wi muhikhupanyeke kaahoosiwaka ekaamba ya nyuwaano vawi tti woopinduliha wa nyuwaano.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

2 Akorinto 4:16

Ekaamba ya yeella hiyaano khaninatathilla murima. Naari miilli ddahu dduntaka vang'ono vang'ono, mirima ddahu ddinnakhallihiwa ddanaanweene nllapo ni nllapo.

Yawuupullulla 2:3

Munnavillella, moohoowa ekaamba ya miyaano koma khamukihiyalle.

Aheberi 12:3

Muupuwelleke dda Yesu oyo avilleenlle orive ohoosiwa ekaamba ya athu amodda oochimwa ayo yamuwukilalle wi muhifooke ni otathilla murima.

2 Akorinto 3:6

Tti olliye aaneerihalle wi niwore orumeyella echipangano yanaanweene yoovenyera mwa Munepa ohiri mwa lamulo noolembiwa. Vawi lamulo noolembiwa ninniipha koma Munepa annavaha okumi.

1 Petro 2:10

Khalle nyuwaano khamwaari athu a Mulluku koma vano nyuwaano tti athwaaye. Khalle nyuwaano khamwaadduwenlle echifundo ya Mulluku koma vano mohaakhella echifundo.

1 Timoteo 1:13

naari khalle kaanamullotella epewe, kaanamuvevulla ni omuhoosa. Nave Mulluku aakeerella echifundo kaambiiwa ngaamukhulupililalle olliyooyo sika ngaadduwella eyo keereemi.

2 Akorinto 5:18

Ddittheddenenndda ddineeriwa ni Mulluku, oyo oweella mwa Khrisitu aanattaniha ni yeekhaaye. Nave aanivaha mutteko woowaattaniha athu amodda ni olliyooyo.

2 Akorinto 3:12

Kaambiiwa nookhalla ni etiyerello yeella, khaninoova voollalleyani othenga.

1 Akorinto 7:25

Vano ollota dda athu ehiri vanibanjani mwaalembelleenyu, nginna lamulo noovenyera wa Apwiya, kinallota maganizwaaka wonanko muthu oyo Apwiya yamweerelliiwa echifundo wi akhalle oororomelleya.

Yesaya 40:30

Naari esombwe ennavelleveddeya ni ofooka, naari eesombwe ennakwakwatuwa ni wiikuha.

Yesaya 40:31

Koma ayo enaaroromella Apwiya, eneerewaakhella masiva anaanweene, eneerovava wonanko mpungu. Eneerekothamaka koma oohitopa, eneerekeweeta koma oohivelleveddeya.

Yeremiya 45:3

onallota wi, ‘Kookhalla ni otulli vawi Apwiya aakoonjerera ethakaraka va ddoohoosa ddaka ddittheddene. Kootopa ni wiipullella, nginoona vawiithuuwellavo!’ ”

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

1 Akorinto 3:5

Ni okhalla wene, Apolo ttaani? Nave Paulo ttaani? Hiyaano tti oorumeyella a Mulluku, ayo yuuhoollelleni o echikhulupililo. Arive muthu a hiyaano anaphara mutteko Apwiya yaamvahilliiwa wi aphare.