2 Akorinto 3:9 - Mawu a Mulluku

⁹ Lamulo naweeruza athu wi yiiphiwe naarimi niri ni ntitimiho nave ntitimiho na echipangano yanaanweene nno nnaalungamiha athu niri nawunnuwa mwawiidde!

2 Akorinto 3:9 ပူးပေါင်းရင်းမြစ်များ

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Afilipi 3:9

nave wi kaattanihiwe ni olliye. Nginnattho echilungamo yaakayaaka yoovenyera mwa wiiwellallani malamulo. Koma vano kookhalla ni echilungamo yoovenyera wa Mulluku oweella mwa echikhulupililo mwa Khrisitu.

Agalatiya 3:10

Ayo enakhulupilila wiiwellella malamulo tti ootembeleliwa. Vawi mawu a Mulluku enallota wi, “Muthu ahiniiwellella erive ello yoolembiwa mu nibukhu na malamulo tti ootembeleliwa!”

1 Akorinto 15:41

Nndduwa nookhalla ni owala wiwa, mweeri wookhalla ni owala wayiwawayiwa nave etheneeri ddookhalla ni owala woohiyana; navettho vookhalla owala woohiyana variyari va etheneerinnddo.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Aroma 4:11

Aphaddiwe wi ekhalle echizindikiro ya olungamihiwa ekaamba ya echikhulupililo eyo aariiyena ahinaphaddiwe. Yoolinga yaari yawi akhalle nikhollo na athu attheene oohiphaddiwa koma enamukhulupilila Mulluku nave awaakhullelliwa ni Mulluku wi tti oolungama.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Deuteronomo 27:26

“Atembeleliwe arive muthu oohaakhullella ni oohiiwellella malamulo mattheenaalla. “Nave athu attheene yaakhulle wi, ‘Amen!’ ”

2 Akorinto 3:8

nave ntitimiho nookhalla ni ddeko ddoovenyera wa Munepa tti nawunnuwa mwawiidde!