2 Akorinto 3:6 - Mawu a Mulluku

⁶ Tti olliye aaneerihalle wi niwore orumeyella echipangano yanaanweene yoovenyera mwa Munepa ohiri mwa lamulo noolembiwa. Vawi lamulo noolembiwa ninniipha koma Munepa annavaha okumi.

2 Akorinto 3:6 ပူးပေါင်းရင်းမြစ်များ

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

Aroma 7:6

Koma vano noottaphulliwa omalamuloni kaambiiwa niri wonanko ookhwa, omwallana ni malamulo ayo yaanimakille. Vano ninnamurumeyella Mulluku mu ettilla yanaanweene vawiiwellellani munepaaye ohiri orumeyella mu ettilla yakhalle ya malamulo oolembiwa.

Yeremiya 31:31

Apwiya enallota wi, “Mallapo enimawa mvo kinaakeraatthiheemi echipangano yanaanweene ni athu a o Aisraele ni a o Yuda.

Aroma 8:2

Vawi malamulo a Munepa Waweella, ayo enanivaha okumi mu eyaattano ni Khrisitu Yesu, yookittaphulla miyaano o malamulo a machimo ni okhwa.

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Aheberi 7:22

Ekaamba ya yeella Yesu annasimikiza wi echipangano eyo Mulluku ariiyena wa hiyaano tti yaphaama ohiyana ni yakhalle.

2 Akorinto 3:14

Mulluku ahummiha mirima ddiwa nave ophiyera vano mirima ddiwa ddookhunelliwa ni ekuwo erive enthawi malamulo a Mose yaaweerengaka wa alliwaayo. Ekuwo yeeyo enakhunuulliwa oweella mwa Khrisitu.

1 Akorinto 15:45

Vawi mawu a Mulluku enallota wi, “Muthu awaamba, Adamu, aari muthuve.” Koma Adamu oomallihella, Yesu tti Munepa woovaha okumi.

Aroma 3:20

Vawi Mulluku khaamulungamihalle arive muthu vamiitthoni vaye ekaamba ya wiiwellella malamulo. Malamulo enakhulla moona waadduwelliha athu wi aachimwa.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Luka 22:20

Emoddamoddave yeeyo, emanlle omucha buledoolle ahaavaha kapu, allota wi, “Kapu yoolla tti echizindikiro ya echipangano yanaanweene ya Mulluku, eyo yeeriwe oweella mu nikhame naka ekaamba ya nyuwaano.

1 Akorinto 11:25

Emoddamoddave yeeyo, emanlle omucha buledoolle yahaavaha kapu, ellota wi, “Kapu yoolla tti echizindikiro ya echipangano yanaanweene ya Mulluku, eyo yeeriwe oweella mu nikhame naka.” Erive enthawi mwaaweeraka yeella mweereke ddiiddo mookuupuwella miyaano.

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

Deuteronomo 27:26

“Atembeleliwe arive muthu oohaakhullella ni oohiiwellella malamulo mattheenaalla. “Nave athu attheene yaakhulle wi, ‘Amen!’ ”

1 Timoteo 4:6

Waahuddiha ookhulupilila ddeko ddenndda, oneerokhalla oorumeyella aphaama a Khrisitu Yesu, oollelliwa ni mawu a echikhulupililo ni a ehuddiho yawoona eyo wathwanreewe.

Aefeso 3:7

Kaheeriwa oorumeyella othenga waphaama moollikana ni emphaso ya echisomo ya Mulluku, aakivahilleeye oweella mwa mutteko wa masivaaye mwa miyaano.

Agalatiya 3:21

Ethiyo malamulo ennavaanyana ni malonjezano a Mulluku? Kheneera ddiiddo! Vawi vakhanlleke lamulo noovaha okumi sika arive muthu aaweerekokhalla oolungama vawiiwellellani lamulonno.

2 Akorinto 3:7

Malamulo a Mose yawakiwe vamallukuni nave yawiille mwa ntitimiho. Naari owala wa ekhove ya Mose wamalliiwa, waari wamasiva wawi athu a o Israele kheyaaworille owehave va olliyooyo. Malamulo yaalla, ayo eniipha, yaarimi ewiille ni ntitimiho nenno,

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

1 Akorinto 3:5

Ni okhalla wene, Apolo ttaani? Nave Paulo ttaani? Hiyaano tti oorumeyella a Mulluku, ayo yuuhoollelleni o echikhulupililo. Arive muthu a hiyaano anaphara mutteko Apwiya yaamvahilliiwa wi aphare.

Aroma 4:15

Vawi malamulo ennamweeriha Mulluku waashella murima athu koma vaahikhalla malamulo khavinakhalla ohiiwellella wa malamulo.

Yohane 5:21

Vawi Attiitthaaka ennaavenyiha athu ookhwa enaavaha okumi, emoddamoddave yeeyo miyaano kinnavaha okumi wa ayo kinaapaalleemi.

Mariko 14:24

Yesu aallota wi, “Nna tti nikhame naka noollipiha echipangano ya Mulluku, nookhumihiwa ekaamba ya athu anchichi.

Mateyu 26:28

Vawi nna tti nikhame naka noollipiha echipangano ya Mulluku, nookhumihiwa ekaamba ya athu anchichi wi machimo ekhululukelliwe.

2 Akorinto 3:9

Lamulo naweeruza athu wi yiiphiwe naarimi niri ni ntitimiho nave ntitimiho na echipangano yanaanweene nno nnaalungamiha athu niri nawunnuwa mwawiidde!

Aroma 4:17

wonanko mmo mawu a Mulluku enallotelliiwa wi, “Kohuukeraatthiha weyaano wi okhalle nikhollo na mitundu ddinchichi.” Lonjezo nenna Abrahamu aanaakhella ovenyera wa Mulluku kaambiiwa aamukhulupilila Mulluku oyo anaavenyiha ookhwa nave oyo analamula wi ddeko ddiphatuwe.

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

1 Yohane 1:1

Ninuulembellani nyuwaano dda mawu oovaha okumi, ayo yaarivo waambeella vawaamba. Noowiiwa nave noowoona ni miitthwaahu. Ddawoona, noowoona nave mattaahu ahaattannya yaayo.

2 Timoteo 1:11

Mulluku ookitthoolla miyaano okhalla murummwa, muhuddihi ni oollalleya othenga waphaama.

Aefeso 2:5

vawi naariihu ookhwa m'munepani voohiiwellellani aanivenyiha vamodda ni Khrisitu. Echisomo ya Mulluku sika yuuvullusalleni.

1 Akorinto 3:10

Moollikana ni echisomo kaavahiweemi ni Mulluku, kaaphara mutteko woomaka phaama nave kaakeraatthiha matthipello nave muthu mmodda animamakavo. Nave arive muthu achenjere ni mamakellwaaye.

Aefeso 2:1

Khalle nyuwaano mwaari ookhwa m'munepani ekaamba ya ohiiwellella wanyu ni machimwaanyu.

2 Akorinto 3:3

Nyuwaano muri wonanko kalata oolembiwa ni Khrisitu oorumihiwa ni hiyaano. Khalembiwe ni inki apaalle owakiwa vamallukuni koma ni Munepa a Mulluku a Okumi m'mirimani dda athu.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

Aheberi 8:13

Voollotani dda echipangano yanaanweeneella, Mulluku anallota wi yawaambeelle tti yoomalla mutteko nave erive ello yakhalla yoomalla mutteko nave yaahuwa eri vakhuviru omalla.