2 Akorinto 3:12 - Mawu a Mulluku

¹² Kaambiiwa nookhalla ni etiyerello yeella, khaninoova voollalleyani othenga.

2 Akorinto 3:12 ပူးပေါင်းရင်းမြစ်များ

2 Akorinto 7:4

Kinnallota moohoova ello navettho kinnuukotellani! Mu ddoohoosa ddahu ddittheddene kinnallipa murima wunchichi navettho kiri oohakallalla ni murimaaka muttheene.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

Mitteko 4:13

Attekweene a Ayuda yoonilliiwa ollipa murima wa Petro ni Yohane nave wi yaari athu shisha oohihuddera, yaattikhina. Navettho yaadduwella wi yaanakhalla vamodda ni Yesu.

Yohane 16:29

Oohudderaaye yaallota wi, “Vano munnallota mwawiiweya, moohiphariha mutteko maphwanaphwaniho.

1 Timoteo 3:13

Vawi ayo enarumeyella phaama, enniikusella epilli yaphaama nave ennallipa murima mu echikhulupililo mwa Khrisitu Yesu.

1 Atesalonika 2:2

Munnadduwella mmo nahooselliweehu ni onyaambusiwa o Filipi nihinawe wa nyuwaano o Tesalonika. Nave naari navaanyihiwe wunchichi, Mullukwaahu aanillipiha murima wi nuulleelleni dda othenga waphaama woovenyera wa olliyooyo.

Akolose 4:4

Vano vekellani wi kuupullulle othenga yoolla mwawiiweya moollikana ni mmo onapaalleyelliiwa.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

2 Akorinto 4:13

Mawu a Mulluku eni, “Kaallota kaambiiwa kaakhulupilila.” Vookhallani ni murima yooyottho wookhulupilila, ninnallotattho kaambiiwa ninnakhulupilila.

1 Akorinto 14:19

Koma m'mipingoni, weerokhalla phaama wa miyaano ollota mawu atthanu awiiweya phaama waahuddiha amodda ohiyana ni ollota mawu 10,000 mu ellotello ddoohidduwanyeya.

Mitteko 14:3

Koma Paulo ni Baranaba yaakhallawo enthawi yoorekama, ellalleyaka moollipa murima dda Apwiya. Apwiya yaakhalla mboni a othengiiwa wa echisomwiiwa vawaavahani masiva aweera ezizindikiro ni ddoottikhiniha.

Mitteko 9:29

Aallotattho ni okambirana ni Ayuda oollota Egriki nave alliwaayoottho yaapaalla omwiipha.

Mitteko 9:27

Koma Baranaba aawa amukavihera nave amukusa ayaana wa amurummwa. Ahaatthopoollella ddeereye wi Saulo aawoona Apwiya vamusewuni nave yaallotana. Ahaalleellattho wi Saulo aallipa murima voollalleyani mu nnddina na Yesu mu Damasiko

Yohane 16:25

“Kohuulleellani ddeko ddenndda mu maphwanaphwaniho. Koma enthawi enimawa yawi ngillota ni nyuwaano mu maphwanaphwaniho koma kinaallote mwawiiweya dda Attiitthaaka.

Yohane 10:24

Ayuda yaatthukumana moomwaapheella emukoha wi, “Munaanikayikiheke ophiyera niini?” Mwaari Mesiya* nilleelleni ddawoona.

2 Akorinto 3:11

Vawi lamulo ninamalla naarimi niwaaka ni ntitimiho nave ntitimiho na echipangano yanaanweene eyo eri yoohimalla ninaakhalle nawunnuwa mwawiidde!

Afilipi 1:14

Nave okhalla waka mundende wooweeriha asinnaka ni arokoraka anchichi ollipa murima wunchichi mu eyaattano ni Apwiya, sika enthawi ni enthawi ennallalleya othenga waphaama moohoova.

Filemoni 1:8

Sika kiri oollipa murima wuullupalli mwa Khrisitu wuulamula yoophwanella weera.