2 Akorinto 2:7 - Mawu a Mulluku

⁷ Nave vano munaphwanella wi mumukhululukelle ni omullipiha murima wi ahihiye okhulupilila ekaamba yootathilla murima.

2 Akorinto 2:7 ပူးပေါင်းရင်းမြစ်များ

Aefeso 4:32

Nave mweerellaneke echifundo ni oreerellana murima navettho mukhululukellaneke wonanko mmo Mulluku uukhululukelleeyeni oweella mwa Khrisitu.

Akolose 3:13

Muvillellaneke mmodda ni mukhwaaye nave mukhululukellane mmodda akhalla ni yookhupanya va mukhwaaye. Munaphwanella mukhululukellaneke mmodda ni mukhwaaye wonanko mmo Apwiya yuukhululukelliiwani nyuwaano.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Miyambo 17:22

Murima woohakallalla onnattaphulla mwiilli koma woovoreya onnapwesa makhuva.

2 Atesalonika 3:6

Asinnihu ni arokorihu ninnuulamulani, mu nnddina na Apwiihu Yesu Khrisitu wi mumwallaneke ni ookhulupilila attheene oolesi ni ayo ehinathwara ehuddiho mwaakhenlleenyu wa hiyaano.

1 Atesalonika 4:13

Asinnihu ni arokorihu, ninapaalla wi mudduwelle ddawoona dda ookhwa wi muhikhupanyeke wonanko ayo ehinna yootiyerella.

Afilipi 2:27

Ddawoona aamavoriiwa nave aari vakhuviru okhwa. Koma Mulluku aamweerella echifundo nave ohiri va olliyeve koma ni va miyaanottho vawi aheeriha wi kihikhallena ethakaraka ddinchichi.

2 Akorinto 7:10

Vawi ovoriiwa murima woovenyera wa Mulluku onnarukunusa murima wi ovullusiwe nave khaavo muthu anaakhalle ni ethakaraka ni ovoriiwa murima wenko. Koma ovoriiwa murima woovenyera wa athu onnawaana okhwa.

2 Akorinto 5:4

Ninakhalleehu m'misasani dda ellapo yavattheella, ninniipullella ni okhupanya, khe wi ninapaalla ohiya mwiillaahu wa ellapo yavattheella koma ninapaalla wi niwarihiwe mwiilli wooddullu wi okhwa emiryiwe ni okumi.

1 Akorinto 15:54

Sika ddenndda ddeereya yoomalla yatthattusiwa yoohimalla, eyo enaakhwe yatthattusiwa yoohikhwa, vano mawu a Mulluku eneerokwakhwanihiwa awi, “Okhwa woomiryiwa voogonjihiwani!”

Miyambo 1:12

Hankoni naamirye eri akumi wonanko ellapo ya ookhwa. Hankoni naahopelle amututha wonanko oovuhelliwa mu mahame.

Masalimo 124:3

ddaano enimiryalle niri akumi, valle yashilliiwa murima wunchichi,

Masalimo 21:9

Akhumellella, aneerowoononga wonanko munllo wawoopiha. Apwiya eneerewaatthollosa ekaamba yowaallutuwella, eneerewaashellelliha.

Masalimo 57:3

Mulluku aneerokaakhulla ari oddullu nave aneerokivullusa. Anaarewaagonjiha ookinyingallella, aneerokooniha echikondaaye yoohisintheya ni ororomelleya waye.

2 Akorinto 2:8

Nave kinimuuvekani wi mumusimikizelle wi munnamukonda wunchichi.